రెడీ..స్టార్ట్: 'ఉద్యమం'కు కెసిఆర్ క్లాప్, భిన్నమైందంటూ
ఈ సందర్భంగా కెసిఆర్ మాట్లాడుతూ.. ఉద్యమం చిత్రం తెలంగాణ ఉద్యమానికి ఎంతో ఉపయోగపడుతుందనే ఆకాంక్షను వ్యక్తం చేశారు. ఉద్యమం క్రమంలో ఏం చేయాలనే విషయం ఈ చిత్రం చెబుతుందని కెసిఆర్ అన్నారు. ఉద్యమానికి, తెలంగాణ ప్రజలకు ఈ చిత్రం మంచి సందేశాన్ని ఇస్తుందన్నారు. గతంలో వచ్చిన తెలంగాణ చిత్రాలకన్నా భిన్నమైన కథతో ఇది వస్తుందని ఆయన ఈ సందర్భంగా చెప్పారు.
తెలంగాణ ప్రజలకు ఈ చిత్రం దిశా నిర్దేశనం చేస్తుందని తాను విశ్వషిస్తున్నానని అన్నారు. ఈ చిత్రం విజయవంతం కావాలని కోరుకుంటున్నట్లు ఆయన చెప్పారు. గతంలో వచ్చిన తెలంగాణవాద చిత్రాలు అన్ని విజయం సాధించాయని గులాబీ అధినేత చెప్పారు.
కాగా తెలంగాణ ఉద్యమం నేపథ్యంలో ఇటీవల పలు చిత్రాలు వస్తున్న విషయం తెలిసిందే. శంకర్ దర్శకత్వంలో జైభోలో తెలంగాణ, ఆర్.నారాయణమూర్తి స్వీయ నిర్మాణ దర్శకత్వంలో వీర తెలంగాణ, పోరు తెలంగాణ తదితర చిత్రాలు వచ్చాయి. బతుకమ్మ చిత్రం కూడా తెలంగాణ పండుగ నేపథ్యంలో వచ్చిందే.
Click it and Unblock the Notifications
Sign in with Google