• search

బొత్స, కిరణ్‌లతో కలిసి.. వేర్వేరుగా రాహుల్‌గాంధీ భేటీ!

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Rahul Gandhi
    న్యూఢిల్లీ: ఏఐసిసి ఉపాధ్యక్షుడు రాహుల్ గాంధీ ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణతో శుక్రవారం, శనివారం రాష్ట్ర రాజకీయాల పైన, కాంగ్రెసు పార్టీ పరిస్థితి పైన చర్చించనున్నారు. కిరణ్, బొత్సలకు అధిష్టానం నుండి పిలుపు వచ్చింది. గురువారం రాత్రి బొత్స ఢిల్లీకి వచ్చారు. కిరణ్ శుక్రవారం వెళ్తున్నారు. బొత్స, కిరణ్‌లతో రాహుల్ కలిసికట్టుగా, ఆ తర్వాత వేర్వేరుగా రాష్ట్ర రాజకీయ పరిస్థితులపై చర్చించనున్నట్లుగా తెలుస్తోంది.

    రాహుల్ ఈ రెండు రోజులు వివిధ రాష్ట్రాల్లో పార్టీ పరిస్థితి, పార్టీకి ఎదురవుతున్న సమస్యలు, పార్టీ నిర్మాణాన్ని పటిష్ఠం చేయడం, పార్టీని ఎన్నికల్లో గెలిపించేందుకు తీసుకోవల్సిన చర్యలపై వారితో నిర్మొహమాటంగా చర్చిస్తారు. అందులో భాగంగా బొత్స, కిరణ్‌లతో చర్చించనున్నారు. వారిద్దరితో కలిసి, ఆ తర్వాత వేర్వేరుగా చర్చించే అవకాశాలు ఉన్నాయి. ఇరువురి వాదనలను తీసుకొని వాటిని క్రోడీకరించనున్నారు.

    రాష్ట్రంలో ప్రభుత్వం, పార్టీ ఎదుర్కొంటున్న రాజకీయ, సంస్థాగత సమస్యలు, వైయస్సార్ కాంగ్రెసు పార్టీ ప్రాబల్యం, తెలుగుదేశం పార్టీ అధ్యక్షుడు నారా చంద్రబాబు నాయుడు వస్తున్నా మీకోసం పాదయాత్ర, తెలంగాణ సెంటిమెంట్ తదితర అంశాలపై వారిద్దరి అభిప్రాయాలను వారి నుండి తెలుసునే అవకాశాలు ఉన్నాయి. ఈ రెండురోజుల్లో పిసిసి అధ్యక్షులు, సిఎల్పీ నేతలను ఉద్దేశించి రాహుల్ ప్రసంగిస్తారు.

    కాంగ్రెస్ ఉపాధ్యక్షుడిగా ఎన్నికైన తర్వాత రాహుల్ రాష్ట్ర స్థాయి నేతలను కలుసుకోవడం ఇదే తొలిసారి. ఇప్పటివరకూ ఏఐసిసి అధ్యక్షురాలు సోనియా గాంధీతోనే పార్టీ వ్యవహారాలు చర్చించారు. ఇప్పుడు మొదటిసారి నేరుగా రాహుల్ నాయకత్వంలో పనిచేసేందుకు వీలుగా రంగం సిద్ధం చేసేందుకే ఈ సమావేశాన్ని ఏర్పాటు చేసినట్లు ఏఐసిసి వర్గాలు తెలిపాయి. ఆయా రాష్ట్రాల్లో పార్టీని బలోపేతం చేసే అంశంపై రాహుల్ ప్రధానంగా దృష్టి సారించనున్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Congress vice president Rahul Gandhi will continue 
 
 his exercise of taking feedback from party leaders on 
 
 how to strengthen the organisation and will meet 
 
 chief ministers, state unit chiefs and legislative 
 
 party leaders on Friday, party sources said.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more