• search

కుమ్మక్కు: జగన్ పార్టీ నేతల మాట హరీష్ నోట

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Harish Rao
    హైదరాబాద్: తెలుగుదేశం పార్టీపై వైయస్ జగన్ నాయకత్వంలోని వైయస్సార్ కాంగ్రెసు పార్టీ చేస్తున్న వ్యాఖ్యలు తెలంగాణ రాష్ట్ర సమితి (తెరాస) శాసనసభ్యుడు హరీష్ రావు నోట వినిపించాయి. ముఖ్యమంత్రి కిరణ్ కుమార్ రెడ్డి ప్రభుత్వంపై అవిశ్వాసం తీర్మానం ప్రతిపాదించకపోతే కాంగ్రెసుతో తెలుగుదేశం పార్టీ కుమ్మక్కయినట్లేనని ఆయన వ్యాఖ్యానించారు.

    గోదావరి నదిపై మహారాష్ట్ర నిర్మించిన బాబ్లీ ప్రాజెక్టుపై తమ మీద తెలుగుదేశం తెలంగాణ ఫోరం కన్వీనర్ ఎర్రబెల్లి దయాకర్ రావు చేసిన వ్యాఖ్యలపై తెలంగాణ రాష్ట్ర సమితి (తెరాస) శానససభ్యుడు హరీష్ రావు తీవ్రంగా ప్రతిస్పందించారు. పోలవరం ప్రాజెక్టుపై తెలుగుదేశం పార్టీ ఎందుకు మాట్లాడడం లేదని, పోలవరం టెండర్లలో తెలుగుదేశం వాటా ఎంత అని, తెలుగుదేశం పార్టీ అధ్యక్షుడు నారా చంద్రబాబు నాయుడు పాదయాత్రకు ఎంత ఇచ్చారని ఆయన శుక్రవారం మీడియా ప్రతినిధుల సమావేశంలో అడిగారు.

    బాబ్లీ ప్రాజెక్టు నిర్మాణాన్ని అడ్డుకోవడంలో విఫలమైన రాష్ట్ర ప్రభుత్వంపై అవిశ్వాస తీర్మానం ప్రతిపాదించాలని, ఎవరు అవిశ్వాస తీర్మానం ప్రతిపాదించినా తాము మద్దతు ఇస్తామని ఆయన చెప్పారు. తెలంగాణ కోసం తెలుగుదేశం పార్టీ చేసిన ఉద్యమాలు ఏమిటని, తెరాసపై బురద చల్లడమే ఉద్యమమా అని ఆయన అడిగారు. తెరాసను తిట్టడం తప్ప తెలంగాణ కోసం టిడిపి చేసిన పోరాటం ఏమీ లేదని అన్నారు.

    చరిత్ర తెలుసుకుని మాట్లాడాలని ఆయన ఎర్రబెల్లి దయాకర్ రావుకు సలహా ఇచ్చారు. రాష్ట్ర ప్రభుత్వంపై తెలుగుదేశం పార్టీ అవిశ్వాస తీర్మానం ప్రతిపాదించకపోతే కాంగ్రెసుతో కుమ్మక్కయినట్లేనని ఆయన వ్యాఖ్యానించారు. రాష్ట్ర ప్రభుత్వాన్ని తెలుగుదేశం కంటికి రెప్పలా కాపాడుతోందని ఆయన అన్నారు. బాబ్లీ ప్రాజెక్టుపై తెలుగుదేశం నేతలు మొసలి కన్నీరు కారుస్తున్నారని ఆయన విమర్శించారు.

    తమ పార్టీ అధ్యక్షుడు కె. చంద్రశేఖరరావును, తమ పార్టీ నేతలను పరుగెత్తించాలని ఎర్రబెల్లి దయాకర్ రావు అంటున్నారని, తెలుగుదేశం పార్టీ నేతలను పరుగెత్తించి కొట్టినా బుద్ధి రాలేదని ఆయన వ్యాఖ్యానించారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Telangana Rastra Samithi (TRS) MLA Harish Rao has retaliated Telugudesam Telangana forum convener Errabelli Dayakar Rao comments on his party on Babli issue.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more