• search

హామీ: కదలమంటూ టిడిపి ఎమ్మెల్యేల మొరాయింపు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Telugudesam
    హైదరాబాద్: విద్యుత్ సమస్యపై చర్చకు అనుమతిస్తామని శానససభా వ్యవహారాల మంత్రి శ్రీధర్ బాబుకు, ఎజెండాలో చేరుస్తామని స్పీకర్ నాదెండ్ల మనోహర్ హామీ ఇచ్చినా ఆందోళన విరమించడానికి తెలుగుదేశం పార్టీ శానససభ్యులు నిరాకరించారు. తాము శాసనసభలోనే బైఠాయిస్తామని మొరాయించి కూర్చున్నారు. పాదయాత్రలో ఉన్న తెలుగుదేశం పార్టీ అధ్యక్షుడు నారా చంద్రబాబు నాయుడు ఫోన్ చేసి, ప్రభుత్వం దిగి వచ్చే వరకు ఆందోళన విరమించవద్దని పార్టీ శాసనసభ్యులకు సూచించారు. రాజ్యసభ సభ్యుడు టి. దేవేందర్ గౌడ్ వచ్చి శానససభకు వచ్చి శాసనసభ్యులకు సంఘీభావం ప్రకటించారు.

    అసెంబ్లీ బడ్జెట్ సమావేశాలు శనివారానికి వాయిదా పడడంతో తెలుగుదేశం పార్టీ ఎమ్మెల్యేలు ఆగ్రహం వ్యక్తం చేస్తూ అసెంబ్లీలోనే బైఠాయించి ఆందోళన చేపట్టారు. ప్రభుత్వం దిగిరాకపోతే రాత్రికి కూడా అసెంబ్లీలోనే నిద్రపోతామని వారు హెచ్చరించారు. దీంతో పౌరసరఫరాల శాఖ మంత్రి శ్రీధర్‌బాబు టీడీపీ నేత ధూళిపాల నరేంద్రకు ఫోన్ చేసి ఆందోళన విరమించాలని, విద్యుత్ సమస్యపై శనివారం చర్చకు అనుమతి ఇస్తామని చెప్పారు.

    ఇదిలా ఉండగా, శాసనసభ కార్యదర్శి ద్వారా శాసనసభాపతి నాదెండ్ల మనోహర్ టీడీపీ నేతలకు ఒక సందేశం పంపారు. రేపటి ఎజెండాలో విద్యుత్ సమస్యలపై చర్చ ఉంటుందని, ఆందోళన విరమించమని కోరారు. ఎజెండాలో చేర్చడం ముఖ్యం కాదని, ఎట్టి పరిస్థితుల్లోనైనా చర్చకు హామీ ఇవ్వాలని, అప్పుడే ఆందోళన విరమిస్తామని టీడీపీ ఎమ్మెల్యేలు పయ్యావుల కేశవ్‌, దూళిపాళ్ల నరేంద్ర స్పష్టం చేశారు.

    తెలుగుదేశం పార్టీ శాసనసభ్యులతో అసెంబ్లీ కార్యదర్శి కూడా మంతనాలు జరిపారు. అయినా దిగిరాకుండా 56 మంది తెలుగుదేశం శానససభ్యులు అసెంబ్లీలోనే బైఠాయించారు. శ్రీధర్ బాబు ఫోన్‌లో మాట్లాడడం సరి కాదని గాలి ముద్దుకృష్ణమనాయుడు అన్నారు. విద్యుత్ సమస్యపై చర్చిస్తామని హామీ ఇవ్వలేదని, ఎజెండాలో చేరుస్తామని మాత్రమే చెప్పారని ఆయన అన్నారు. ఇదిలావుంటే, అసెంబ్లీ ఆవరణలోకి పెద్ద యెత్తున పోలీసులు చేరుకుంటున్నారు. టిడిపి శాసనసభ్యులను అక్కడి నుంచి తరలించే అవకాశాలున్నట్లు చెబుతున్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Telugudesam MLAs are not accepting to move from the assembly till the debate on power problem is taken up. They rejected the promises of minister Sridhar babu and speaker Nadendla Manohar.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more