గోవా బీచ్ లా ఏపీ బీచ్ లలోనూ ఆ ఫెసిలిటీస్.. పండుగ చేస్కోండి!
ఆంధ్రప్రదేశ్ రాష్ట్రంలో పర్యాటక రంగానికి మరింత ఊపు తీసుకువచ్చేందుకు కూటమి ప్రభుత్వం సరికొత్త ప్రణాళికలతో ముందుకు సాగుతోంది. దేశంలోనే సుదీర్ఘమైన సముద్ర తీరం కలిగిన ఏపీలో టూరిజం వనరులను గరిష్ఠంగా ఉపయోగించుకోవాలని ప్రభుత్వం భావిస్తోంది. ఇందులో భాగంగా, పర్యాటకులకు గోవా అనుభూతిని అందించేలా రాష్ట్రంలోని ప్రధాన తీర ప్రాంతాలలో "బీచ్ షాక్స్" చెక్కతో చేసిన గుడిసెల వంటి తాత్కాలిక నిర్మాణాలను ఏర్పాటు చేయాలని నిర్ణయించింది.
విశాఖపట్నం,బాపట్ల జిల్లాలోని చీరాల సూర్యలంక బీచ్లలో బీచ్ షాక్స్
ముఖ్యమంత్రి చంద్రబాబు అధ్యక్షతన జరిగిన మంత్రివర్గ సమావేశంలో ఈ ప్రతిపాదనకు ఆమోదం లభించింది. తొలి విడతగా పైలట్ ప్రాజెక్ట్ కింద ప్రముఖ పర్యాటక ప్రాంతమైన విశాఖపట్నం, అలాగే బాపట్ల జిల్లాలోని చీరాల సూర్యలంక బీచ్లలో ఈ బీచ్ షాక్స్ను ఏర్పాటు చేయనున్నారు. ఇందుకోసం ప్రత్యేకంగా రూపొందించిన ఎక్సైజ్ పాలసీ మార్గదర్శకాలకు కేబినెట్ గ్రీన్ సిగ్నల్ ఇచ్చింది.
వెదురు బొంగులు, చెక్కతో తాత్కాలికంగా నిర్మించే రెస్టారెంట్ అండ్ బార్లు
సాధారణంగా గోవా, అంతర్జాతీయ తీర ప్రాంతాలలో వెదురు బొంగులు, చెక్కతో తాత్కాలికంగా నిర్మించే రెస్టారెంట్ అండ్ బార్లను 'బీచ్ షాక్స్' అంటారు. సముద్రపు అలల అలజడిని ఆస్వాదిస్తూ పర్యాటకులు ఇక్కడ రకరకాల సీఫుడ్స్, స్నాక్స్, కూల్ డ్రింక్స్తో పాటు విదేశీ మద్యాన్ని కూడా ఆస్వాదించవచ్చు. ఏపీలో ఏర్పాటు చేయబోయే ఈ షాక్స్ను ప్రతిరోజూ ఉదయం 10 గంటల నుండి రాత్రి 8 గంటల వరకు నిర్వహించేలా సమయాలను ప్రాథమికంగా నిర్ణయించారు.
ఈ ప్రయోగం సక్సెస్ అయితే రాష్ట్ర వ్యాప్తంగానూ ప్లాన్
ఈ రెండు ప్రాంతాలలో ప్రయోగం విజయవంతమైతే, భవిష్యత్తులో రాష్ట్రవ్యాప్తంగా ఉన్న మిగిలిన బీచ్లకు కూడా ఈ విధానాన్ని విస్తరించాలని ప్రభుత్వం యోచిస్తోంది. ఈ నిర్ణయంతో పాటు కేబినెట్ మరో చారిత్రాత్మక ప్రాజెక్టుకు కూడా ఆమోదం తెలిపింది. లండన్లోని థేమ్స్ నది ఒడ్డున ఉండే ప్రసిద్ధ 'లండన్ ఐ' తరహాలోనే, అమరావతిలోని కృష్ణా నదీ తీరాన 'అమరావతి ఐ' పేరిట భారీ జెయింట్ వీల్ ప్రాజెక్ట్ను చేపట్టనున్నారు.
ఏపీ లో టూరిజం ప్రగతి
దీనికి సంబంధించిన టెండర్ల ప్రక్రియకు కూడా మంత్రివర్గం ఆమోద ముద్ర వేసింది. ప్రస్తుతం తీసుకున్న నిర్ణయాలతో పాటు, సీప్లేన్ సర్వీసులు, హోమ్స్టే విధానాలతో పాటు ఈ సరికొత్త పర్యాటక హంగులు ఏపీ టూరిజం రూపురేఖలను మార్చనున్నాయి. ఇవి పర్యాటకులను మరింత ఆకట్టుకోనున్నాయి.
Click it and Unblock the Notifications
Sign in with Google