మహిళ నాలుకపై గుండు సూదులతో గుచ్చి హింస

రాంచీ: మంత్రగత్తె అనే నెపంతో ఓ మహిళ నాలుక పైన గుండు పిన్నులతో గుచ్చి దారుణంగా హింసించిన సంఘటన జార్ఖండ్ రాష్ట్రంలో జరిగింది. ఈ కేసులో సుభాష్ మెహతా, అరవింద్ భుయాన్, దులాల్ భుయాన్, బిజన్ భుయాన్ అనే నలుగురిని పోలీసులు అరెస్టు చేశారు. లాతేహార్ జిల్లాలోని పిప్రకళా గ్రామంలో కళావతి అనే మహిళ మంత్రగత్తె అనే అనుమానంతో గ్రామస్తులు ఆమెపై ఆదివారం దాడి చేశారు.

దారుణంగా కొట్టారు. ఆమెకు పదివేల రూపాయల జరిమానా విధించారు. ఆమె భర్తపై ఒత్తిడి తెచ్చి భూమిని విక్రయించి జరిమానా చెల్లించేలా చేశారు. ఆ తర్వాత ఆమె నాలుక పైన సూదులతో దారుణంగా గుచ్చి హింసించారు. వారి హింసను భరించలేకపోయిన కళావతి మంగళవారం పోలీసు స్టేషన్‌లో ఫిర్యాదు చేసింది. ఆమె పన్నెండు మంది పైన ఫిర్యాదు చేసింది. పోలీసులు నలుగురిని అదుపులోకి తీసుకున్నారు.

విద్యార్థిని హత్య కేసులో...

గుంటూరు జిల్లా తెనాలిలో మంగళవారం రాత్రి కారులో శవమై కనిపించిన విజయవాడ విద్యార్థిని సుష్మప్రియను కారు డ్రైవర్ పాల్ హత్య చేసినట్లుగా పోలీసులు ప్రాథమికంగా నిర్ధారణకు వచ్చారు. కేసులో ప్రధాన నిందితుడిని, ఆయన రెండో భార్య కోటేశ్వరి, స్నేహితురాలు మంగళవారమే పోలీసులకు చిక్కారు.

నిందితుడు చెబుతున్న విషయాలు పొంతన లేకపోవడంతో హత్య వెనుక అసలు కారణాలపై పోలీసులు నిర్ధారణకు రాలేకపోతున్నారు. పాల్ కారులో సుష్మప్రియను ఎక్కించుకొని విజయవాడలోనే తిరిగి అక్కడే హత్య చేసి తెనాలి వచ్చాడని భావిస్తున్నారు.

English summary

Four persons were arrested today for allegedly piercing the tongue of a woman with a needle after dubbing her a witch in Jharkhand's Latehar district last Sunday, police said.