క్రూరత్వం: మహేంద్రకర్మ శవంపై పొడిచి డ్యాన్స్ చేశారు

రాయపూర్: ఛత్తీస్‌గఢ్‌లో రెండు రోజుల క్రితం మారణ హోమం సృష్టించిన మావోయస్టులు కాంగ్రెసు పార్టీ సీనియర్ నేత, సల్వాజుడుం వ్యవస్థాపకులు మహేంద్ర కర్మ పట్ల క్రూరంగా ప్రవర్తించారట. మావోయిస్టులు తమ టార్గెట్ లిస్టులోని పేర్లను పెద్దగా పలుకుతూ ఒక్కసారిగా ఈ ఘాతుకానికి పాల్పడ్డారట. తమకు వ్యతిరేకంగా సల్వాజుడుంను స్థాపించిన మహేంద్ర కర్మను పట్టుకొని పక్కకు తీసుకు వెళ్లారు.

ఆ సమయంలో మహేంద్ర కర్మ తనను మాత్రమే కాల్చి చంపండని, మిగిలిన వారిని వదిలి వేయాలని చెప్పారు. అనంతరం అతని కాల్చారు. కాలితో తన్నారు. చనిపోయిన మహేంద్ర కర్మ శరీరంపై కసికొద్ది కత్తితో పొడిచారట. అనంతరం ఆయన శరీరంపై ఆనందంతో డ్యాన్స్ చేశారట. తనను మాత్రమే కాల్చాలన్న మహేంద్ర కర్మ అభ్యర్థనను వినిపించుకోకుండా మిగతా వారిని చంపారు.

ఆంధ్రా మావోయిస్టుల పనేనా?

ఛత్తీస్‌గఢ్ మారణ హోమం ఆంధ్రప్రదేశ్ మావోయిస్యుల వ్యూహరచనగా భావిస్తున్నారు. ఆ రాష్ట్రంలో ప్రముఖ ఆంధ్రా మావోయిస్టులే నాయకత్వం వహిస్తున్నారు. అటాక్ సమయంలో పలువురు మావోయిస్టులు తెలుగులో మాట్లాడినట్లుగా తెలుస్తోంది. దీంతో తెలుగు వారే దీనికి వ్యూహరచన చేశారని పోలీసులు అనుమానిస్తున్నారు.

English summary

Maoists celebrated with a macabre dance of death after gunning down Mahendra Karma, according to two men who were with the Congress leader in his vehicle during Saturday’s ambush.