ప్రియుడితో భార్య పరారీ: భర్త ఆత్మహత్య, నర్సు సూసైడ్

బెంగళూర్/నాగపూర్ : భార్య తన ప్రియుడితో పరారీ కావడంతో మనస్తాపానికి గురైన భర్త ఆత్మహత్య చేసుకున్నాడు. కర్ణాటకలోని మైసూరు తాలూకా మొసాంబయ్యహళ్లిలో ఈ సంఘటన చోటు చేసుకుంది. తన భార్య రాజమ్మ ప్రియుడితో వెళ్లిపోవడంతో మనస్తాపానికి గురైన ఆమె భర్త బసవరాజ ఆత్మహత్యకు పాల్పడి, ఆస్పత్రిలో మరణించాడు.

తన నివాసంలోనే బసవరాజ టాక్సిక్ లిక్విడ్ తాగినట్లు పోలీసులు తెలిపారు. అంతకు ముందు కూడా చాలాసార్లు రాజమ్మ తన ప్రియుడు మహేష్‌తో వెళ్లిపోయింది. అయినా, పిల్లల కోసం అతను ఆమెను చేరదీస్తూ వచ్చాడు. కానీ ఈసారి అతను తట్టుకోలేక ఆత్మహత్య చేసుకున్నాడు. బసవరాజుకు పెళ్లయి 20 ఏళ్లవుతోంది. అతనికి ఓ కుమారుడు, ఓ కూతురు ఉన్నారు.

మనీషా మాతే అనే 23 ఏళ్ల నర్సు విషం తీసుకుని ఆత్మహత్యా యత్నానికి పాల్పడింది. ఇంజెక్షన్ ఓవర్ డోజు తీసుకుని ఆమె ఆత్మహత్య చేసుకుంది. ఆమె జోషీవాడి నివాసి.

అజ్నీలోని ప్రైవేట్ ఆస్పత్రిలో పనిచేస్తున్న మనీషా బుధవారంనాడు సాయంత్రం ఇంజెక్షన్ కొనుక్కుని వచ్చిందని, గురువారం ఉదయం మరణించిందని ఆమె తమ్ముడు చెప్పాడు. సూసైడ్ నోట్ ఏదీ లభించలేదు. ఆమెకు తల్లిదండ్రులు, నలుగురు తోబుట్టువులు ఉన్నారు.

English summary

Basavaraja, a husband, who allegedly attempted suicide after his wife, Rajamma, eloped with her lover, died at K R hospital on Friday.