• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

దోపిడీ ఆగుతుందనే: జగన్‌పై కొండా సురేఖ మరోసారి

By Srinivas
|

Konda Surekha-YS Jagan
నల్గొండ: ఇన్నాళ్లు తెలంగాణ సొత్తును దోచుకున్న వైయస్సార్ కాంగ్రెసు పార్టీ నాయకులు... ఆ దోపిడీ ఆగుతుందన్న బాధతోనే ప్రత్యేక రాష్ట్రానికి అడ్డుపడుతున్నారని మాజీ మంత్రి కొండా సురేఖ ఆదివారం ఆరోపించారు. దివంగత వైయస్ రాజశేఖర రెడ్డి కుటుంబం అనుసరిస్తున్న యూజ్ అండ్ త్రో పాలసీతో ఆయన ఆత్మ క్షోభిస్తుందన్నారు. అమరవీరుల త్యాగాలను గుర్తించిన యూపిఏ ప్రభుత్వం తెలంగాణకు అనుకూలంగా నిర్ణయం తీసుకుంటే, జగన్ పార్టీ కుట్రపూరితంగా వ్యవహరించడంతో తాము ఆ పార్టీని విడిచిపెట్టినట్లు చెప్పారు.

ఆత్మాభిమానాన్ని కాపాడుకునేందుకు తెలంగాణ వైయస్సార్ కాంగ్రెసు పార్టీ శ్రేణులు ఆ పార్టీని వీడాలని ఆమె పిలుపునిచ్చారు. వైయస్ పలుమార్లు తెలంగాణకు అనుకూలంగా మాట్లాడారన్నారు. తెలంగాణకు అనుకూలంగా ఇడుపులపాయ సాక్షిగా చేసిన తీర్మానం, జగన్ జైలులో తమకిచ్చిన హామీలేవీ నెరవేరలేదని తెలిపారు. తెలంగాణకు తెలుగుదేశం పార్టీ బ్లాంక్ చెక్కు ఇచ్చిందని ఆరోపిస్తున్న వైయస్సార్ కాంగ్రెసు పార్టీ మాత్రం చెల్లని చెక్కు ఇచ్చిందని విమర్శించారు.

సీమాంధ్రలో పార్టీని బలోపేతం చేసుకునే ఏకైక లక్ష్యంతోనే పార్టీ అధిష్ఠానం ఇలా వ్యవహరిస్తోందన్నారు. తెలంగాణ ఏర్పాటుకు అడ్డుకారాదనే తాము బయటకు వచ్చామన్నారు. తాము ఏ పార్టీలో చేరేది ఇంకా నిర్ణయించుకోలేదని, సీమాంధ్రలో జరుగుతున్న సమైఖ్య ఉద్యమం సమసిపోయాక సమష్టిగా నిర్ణయం తీసుకుంటామన్నారు.

రాజకీయ అవసరాల కోసం వైయస్సార్ కాంగ్రెసు పార్టీ నేతలు ఇన్నాళ్లు కడుపులో కత్తులు పెట్టుకొని తెలంగాణ ప్రాంత నాయకులను కౌగిలించుకున్నారని కెకె మహేందర్ రెడ్డి విమర్శించారు. సమైక్యాంధ్రకు మద్దతుగా పార్టీ అధిష్ఠానం సీమాంధ్ర ఎమ్మెల్యేలతో రాజీనామాలు చేయించడంతో ఆ విష కౌగిలి నుంచి బయటపడ్డామన్నారు. తెలంగాణ ఉద్యమంలో పాల్గొనవద్దని తమను నియంత్రించిన అధిష్ఠానం.. సమైక్యాంధ్ర ఉద్యమంలో అక్కడి నేతలు పాల్గొంటున్నా వారిపై ఎందుకు చర్యలు తీసుకోవడం లేదని ప్రశ్నించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Former minister Konda Surekha on Sunday slammed the 
 
 YSR Congress Party and YS Rajasekhar Reddy family 
 
 members for going back on their words on the 
 
 Telangana issue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more