AP Liquor: ఎన్నికల వేళ ఏపీలో మందుబాబులకు షాకులు..!

ఏపీలో ఎన్నికల వేళ మద్యం ప్రలోభాల్ని అరికట్టేందుకు ఈసీ కఠిన చర్యలు చేపడుతోంది. ముఖ్యంగా రాష్ట్రంలో ఓటర్లను మద్యం ద్వారా ప్రలోభాలకు గురి చేసే అవకాశం ఉండటంతో ఆ మేరకు అమ్మకాలపై ఆంక్షలు విధిస్తోంది. ఈ మేరకు ఎక్సైజ్ అధికారులకు సూచనలు చేస్తోంది. దీంతో వారు కూడా క్షేత్రస్ధాయిలో మద్యం అమ్మకాలపై నిఘా పెట్టారు. ఇదంతా అంతిమంగా మందుబాబులకు చుక్కలు చూపిస్తోంది.

రాష్ట్రంలో పరిమితికి మించి మద్యం అమ్మకాలను నియంత్రించాలంటూ ఎక్సైజ్ అధికారులకు ఈసీ నుంచి ఆదేశాలు వచ్చాయి. దీంతో అధికారులు మద్యం షాపుల్లో అమ్మకాలపై గట్టి నిఘా పెట్టారు. పరిమితికి మించి మద్యం అమ్మితే సదరు షాపుల్ని మూయించేస్తున్నారు. దీంతో మద్యం షాపులతో పాటు మందుబాబులకూ షాకులు తప్పడం లేదు. ఇవాళ రాత్రి తెరిచి ఉన్న మద్యం షాపులు తెల్లారే కల్లా మూతపడుతుండటంతో మందుబాబులు అవాక్కవుతున్నారు.

ఎలక్షన్ కమీషన్ ఆదేశాలు పాటిస్తున్నట్లు ఎక్సైజ్ అధికారులు చెప్తున్నారు. ఇప్పటికే పలు జిల్లాల్లో మద్యం షాపులు మూసివేసిన అధికారులు... మిగతా వాటిపైనా నిఘా పెట్టారు. గత సంవత్సరం 2023 ఏప్రిల్ నెలలో ఏ షాపులో ఎంత అమ్మకాలు జరిగాయో అంతే అమ్మకాలు ఇప్పుడూ జరపాలని ఉన్నతాధికారుల నుంచి ఆదేశాలు వచ్చాయి. దీంతో అమ్మకాలు పరిమితి దాటితే షాపులు మూసేస్తున్నారు. దీంతో మందుప్రియులు లబోదిబోమంటున్నారు.

English summary

in the wake of elections, ec restricts liquor sales in ap and issued order to the excise officials in this regard.