భారీ గణేషుడి నిమజ్జనం, తెలంగాణ లంబోదర(పిక్చర్స్)

By Srinivas

Updated: Friday, September 20, 2013, 13:22 [IST]

హైదరాబాద్: తొమ్మిది రోజులు పూజలు అందుకున్న గణనాథుడు సాగరంలో నిమజ్జనం అయ్యాడు. ఇంటి వద్ద, అపార్టుమెంట్లలో, కార్యాలయాల్లో పూజలు అందుకున్న గణనాథులతో పాటు బాలాపూర్, ఖైరతాబాద్ తదితర భారీ ఏకదంతుల నిమజ్జనం పూర్తయింది.

గణేష్ నిమజ్జనం హైదరాబాదు హుస్సేన్ సాగర్‌లో గురువారం సాయంత్రం వరకు కొనసాగింది. ఖైరతాబాద్ గణనాథుడి శోభాయాత్ర బుధవారం అర్ధరాత్రి రెండు గంటలకు ప్రారంభమైంది. గురువారం మధ్యాహ్నం రెండు గంటలకు నిమజ్జనం పూర్తయింది.

వివిధ రూపాల్లో వినాయక ప్రతిమలు ఆకట్టుకున్నాయి. వీర హనుమాన్, గబ్బర్ సింగ్, అన్నాహజారే, కృష్ణుడు... ఇలా తదితర రూపాల్లో ఆకట్టుకున్నాయి. వాటిని తీసుకు వచ్చిన వాహనాల అలంకరణ అద్భుతంగా ఉంది.

ఖైరతాబాద్ గణేషుడి శోభాయాత్ర

తొమ్మిది రోజులు పూజలు అందుకున్న ఖైరతాబాద్ గణేషుడి శోభాయాత్ర దృశ్యం. ఈ గణేషుడు గురువారం మధ్యాహ్నం రెండు గంటలకు నిమజ్జనమయ్యాడు.

నిమజ్జనం

భారీ ఖైరతాబాద్ గణనాథుడిని హైదరాబాదులోని వినాయక సాగర్(హుస్సేన్ సాగర్)లో భారీ క్రేన్ సహాయంతో నిమజ్జనం చేస్తున్న దృశ్యం.

తరలి వచ్చిన భక్తులు

భారీ ఖైరతాబాద్ గణనాథుడిని హైదరాబాదులోని వినాయక సాగర్(హుస్సేన్ సాగర్)లో భారీ క్రేన్ సహాయంతో నిమజ్జనం చేస్తున్న దృశ్యాన్ని చూసేందుకు భక్తులు తరలి వచ్చారు.