‘ఇచ్ఛాపురం-తడ ఆరు లైన్ల బీచ్ రహదారి’

ఇచ్ఛాపురం నుంచి తడ వరకు ఆరు వరుసల బీచ్‌ రహదారిని నిర్మించేందుకు ప్రభుత్వం ప్రణాళికలు వేసిందని రాష్ట్ర రోడ్డు, భవనాల శాఖ మంత్రి అయ్యన్నపాత్రుడు తెలిపారు. తీరం వెంబడి 974 కిలోమీటర్ల మేర ఆరు

అమరావతి: ఇచ్ఛాపురం నుంచి తడ వరకు ఆరు వరుసల బీచ్‌ రహదారిని నిర్మించేందుకు ప్రభుత్వం ప్రణాళికలు వేసిందని రాష్ట్ర రోడ్డు, భవనాల శాఖ మంత్రి అయ్యన్నపాత్రుడు తెలిపారు. తీరం వెంబడి 974 కిలోమీటర్ల మేర ఆరు వరుసలుగా నిర్మించే ఈ రహదారికి రూ.20వేల కోట్లు ఖర్చవుతుందని అంచనా వేసినట్లు తెలిపారు.

అంతేగాక, ఇందుకు సంబంధించి త్వరలో డీపీఆర్‌ తయారీకి ఆదేశాలిస్తామని చెప్పారు. టీడీపీ ఎమ్మెల్సీ టీడీ జనార్దన్‌ శాసనమండలిలో అడిగిన ప్రశ్నకు మంత్రి ఈ మేరకు సమాధానమిచ్చారు. ఇచ్ఛాపురం నుంచి తడ వరకు నాలుగు భాగాలుగా ఈ రహదారిని నిర్మిస్తామని తెలిపారు.

రహదారి వెంబడి పర్యాటక ప్రాంతాన్ని అభివృద్ధి చేస్తామని, పారిశ్రామిక అభివృద్ధికి ఇది ఎంతగానో తోడ్పడుతుందని మంత్రి వివరించారు. అనంతపురం-అమరావతి ఎక్స్‌ప్రెస్‌ వే నిర్మాణానికి 60శాతం భూసేకరణ పూర్తయిందని, త్వరలోనే దీనికి డీపీఆర్‌ తయారు చేస్తామని మంత్రి అయ్యన్నపాత్రుడు తెలిపారు.

English summary

Andhra Pradesh minister Ayyannapatrudu on Monday said that government will plan to establish Ichapuram to thada six line road.