రాజమండ్రి ఎయిర్‌పోర్ట్‌కు కొత్త హంగులు: భూమిపూజ చేసిన కేంద్రమంత్రి

రాజమండ్రి: రాజమండ్రి విమానాశ్రయానికి కొత్త హంగులు సమకూరనున్నాయి. క్రమంగా అంతర్జాతీయ హోదాను సంతరించుకోనుంది ఈ ఎయిర్‌పోర్ట్. భవిష్యత్తులో రాత్రివేళ కూడా విమానాల ల్యాండింగ్ అయ్యేలా, టేకాఫ్ తీసుకునేలా దీన్ని విస్తరించడానికి చర్యలను తీసుకుంది కేంద్రప్రభుత్వం.

ప్రస్తుతం రాజమహేంద్రవరం విమానాశ్రయం నుంచి వారానికి 126 ఫ్లైట్లు రాకపోకలు సాగిస్తోన్నాయి. రాజమండ్రి- హైదరాబాద్, రాజమండ్రి- చెన్నై, రాజమండ్రి- బెంగళూరును అనుసంధానిస్తోన్నాయి. ఇప్పుడున్న డిమాండ్‌ను దృష్టిలో ఉంచుకుని దీన్ని మరింత విస్తరించాలని కేంద్రం నిర్ణయించింది.

దీని విస్తరణకు పూనుకుంది. 350 కోట్ల రూపాయల వ్యయంతో విస్తరణ పనులను చేపట్టింది. ఈ పనులకు పౌర విమానయాన శాఖ మంత్రి జ్యోతిరాదిత్య సింధియా కొద్దిసేపటి కిందటే రాజమండ్రి విమానాశ్రయంలో భూమిపూజ చేశారు. కొత్త టెర్మినల్ భవన నిర్మాణానికి శంకుస్థాపన చేశారు.

#WATCH | Andhra Pradesh: Union Civil Aviation Minister Jyotiraditya Scindia performs bhoomi poojan of the new terminal building at the Rajahmundry Airport. pic.twitter.com/PYD0JTQgbE

— ANI (@ANI) December 10, 2023

కొత్తగా 17,029 చదరపు మీటర్ల మేర విస్తరణకు నోచుకుంది ఈ ఎయిర్‌పోర్ట్. ఇందులో 21,094 చదరపు మీటర్ల విస్తీర్ణంలో కొత్త టెర్మినల్ భవనం రూపుదిద్దుకోనుంది. ప్రతి గంటకూ 2,100 మంది ప్రయాణికులను హ్యాండిల్ చేసేలా ఈ భవనం నిర్మితమౌతుంది. సంవత్సరానికి 30 లక్షల మంది ప్రయాణికులు ఈ విమానాశ్రయాన్ని వినియోగించుకుంటారని పౌర విమానయాన మంత్రిత్వ శాఖ అంచనా వేస్తోంది.

#WATCH | Andhra Pradesh: Union Civil Aviation Minister Jyotiraditya Scindia inspects the new terminal building at the Rajahmundry Airport before the foundation stone laying event. pic.twitter.com/EQP62Jsj7W

— ANI (@ANI) December 10, 2023

కొత్త టెర్మినల్ భవనంలో 28 చెక్-ఇన్ కౌంటర్లు, అరైవల్ పాయింట్‌లో నాలుగు కన్వేయర్ బెల్ట్స్, ఎనిమిది ఎక్స్- బిస్ మెషీన్లు, మూడు ఏరో బ్రిడ్జిలు రానున్నాయి. ఒకేసారి 600 కార్లను నిలిపి ఉంచేలా పార్కింగ్ ప్రదేశాన్ని అప్ గ్రేడ్ చేయనున్నట్లు పౌర విమానాయాన మంత్రిత్వ శాఖ వివరించింది.

English summary

Union Minister Jyotiraditya Scindia performs bhoomi poojan of the new terminal building at the Rajahmundry Airport.