భార్య ముక్కు కొరికిన భర్త: భార్యని చంపి కాల్చేసిన భర్త

హైదరాబాద్: ఆగ్రహం పట్టలేని ఓ వ్యక్తి తన భార్య ముక్కు కొరికేశాడు. దీంతో ఆమె ముక్కు కొసభాగం తెగిపోయింది. రంగారెడ్డి జిల్లా తాండూరు మండలం అల్లాపూర్‌లో ఈ సంఘటన జరిగింది. వడ్డే బాలకృష్ణయ్య, వెంకటమ్మ దంపతులు తమ ఇద్దరు పిల్లలతో కలిసి ఓ పాలిషింగ్ యూనిట్‌లో పనిచేస్తున్నారు. భార్యాభర్తలు బుధవారంనాడు గొడవ పడ్డారు.

గొడవలో కోపం పట్టలేని భర్త భార్య ముక్కు కొరికేశాడు. దాంతో ఆమె బాధతో కేకలు వేసింది. వెంటనే పక్కనే ఉన్న కార్మికులు ఘటనాస్థలానికి చేరుకున్నారు. వారిని చూసి బాలకృష్ణయ్య పారిపోయాడు. బాధితురాలిని తాండూరులోని ఓ ప్రైవేట్ ఆస్పత్రిలో చేర్చారు. ఆ తర్వాత హైదరాబాదులోని ఆస్పత్రికి ఆమెను తరలించారు.

హైదరాబాదులోని ఎల్బీనగర్ సాయినగర్‌లో ఓ యువకుడు దారుణమైన హత్యకు గురయ్యాడు. గురువారం తెల్లవారు జామున రవి అనే యువకుడు హత్యకు గురయ్యాడు. ఇంటి ముందు మంచంపై పడుకున్న రవి (26)ని గుర్తు తెలియని వ్యక్తులు రాయితో మోది హత్య చేశారు. ఆ తర్వాత శవాన్ని ఇంటి సమీపంలో పడేశారు.

రోడ్డు ప్రమాదంలో ఇద్దరు మృతి

హైదరాబాద్ నెక్లెస్ రోడ్డులోని జలవిహార్ వద్ద ద్విచక్రవాహనం ఒక్కటి పారిశుధ్య కార్మికుడిని ఢీకొట్టింది. ఈ ప్రమాదంలో ఇద్దరు అక్కడికక్కడే మరణించారు.

కాగా, కృష్ణా జిల్లాలో దారుణ సంఘటన జరిగింది. గుడివాడ మండలం దొండపాడు గ్రామంలో ఓ భర్త తన భార్యను హత్య చేసి మృతదేహాన్ని బాత్రూంలో పడేసి కాల్చేశాడు. స్థానికులు సమాచారం అందించడంతో పోలీసులు అక్కడికి చేరుకుని దర్యాప్తు చేస్తున్నారు.

English summary

A man in Rangareddy district bite his wife's nose. Meanwhile, in another incident in Hyderabad youth murdered.