రెండో వైపు వాదన: హైదరాబాదులో చంద్రబాబు ఇంటి నిర్మాణం
హైదరాబాద్: ఆంధ్రప్రదేశ్ ముఖ్యమంత్రి చంద్రబాబు కొత్త నివాసానికి గ్రేటర్ హైదరాబాద్ మునిసిపల్ కార్పొరేషన్ అనుమతులు నిరాకరించడం చర్చనీయాంశంగా మారిందంటూ ఆంధ్రజ్యోతి దినపత్రిక బాబు ఇంటికి సోమేష్ గొళ్లెం అనే శీర్షిక కింద ఓ వార్తాకథనాన్ని ప్రచురించింది. జీహెచ్ఎంసీ కమిషనర్ సోమేశ్ కుమార్ కేవలం స్వామి భక్తి చాటుకునేందుకే చంద్రబాబు ఇంటి నిర్మాణానికి అనుమతి నిరాకరించారని టీడీపీ వర్గాలు విమర్శిస్తున్నాయి. సాంకేతిక లోపాలు, నిబంధనల మేరకే ఆ నిర్ణయం తీసుకోవాల్సి వచ్చిందని జీహెచ్ఎంసీ వర్గాలు చెబుతున్నాయి.
ఆంధ్రజ్యోతి దినపత్రిక వాదన ఈ రకంగా ఉంది - హైదరాబాదులోని జూబ్లీహిల్స్ కోఆపరేటీవ్ హౌస్ బిల్డింగ్ సొసైటీలో చంద్రబాబు, ఆయన తనయుడు లోకేశ్లకు ప్లాట్లు (నంబర్ 1309, 1310) ఉన్నాయి. పాత ఇంటి స్థానంలో కొత్తగా ఇల్లు నిర్మించుకోవాలని చంద్రబాబు భావించారు. దీనికి అనుమతి ఇవ్వాలని గతనెల 18వ తేదీన జీహెచ్ఎంసీకి దరఖాస్తు చేసుకున్నారు.
మొత్తం 2073 చదరపు గజాల స్థలంలో గ్రౌండ్తో కూడి రెండంతస్తుల భవన నిర్మాణానికి అనుమతి కోరారు. జీ+2 వరకు నిర్మాణం 10 మీటర్ల లోపు ఉంటుంది. అయితే, మూడో ఫ్లోర్లో పూర్తిస్థాయిలో నిర్మాణం కాకుండా పాక్షికంగా శ్లాబ్, కిటికీలు ఏర్పాటు చేస్తామని ప్లాన్లో పొందుపర్చినట్లు సమాచారం. దీంతో మొత్తం భవనం ఎత్తు 13 మీటర్లకు పెరుగుతుంది. దానికితోడు, నిబంధనల ప్రకారం సెట్ బ్యాకులు కూడా నిర్దిష్ట స్థాయి కంటే ఎక్కువే వదిలారు. బిల్డింగ్ ప్లాన్ను పరిశీలించిన జీహెచ్ఎంసీ అధికారులు ఈనెల 16న చంద్రబాబు ఇంటి నిర్మాణానికి అనుమతి నిరాకరిస్తూ ఫైలు తిప్పి పంపించారు.
కావాలనే, కక్షపూరితంగానే చంద్రబాబు ఇంటి నిర్మాణానికి జీహెచ్ఎంసీ అనుమతి నిరాకరించిందని తెలుగుదేశం పార్టీ మీడియా కమిటీ చైర్మన్ ఎల్వీఎస్ఆర్కే ప్రసాద్ గురువారం ఒక ప్రకటనలో ఆరోపించారు. మే 25న అసిస్టెంట్ సిటీ ప్లానర్ సైట్ను పరిశీలించారని, ప్లాన్ కరెక్ట్గా ఉందో లేదో చూశారని, నిర్మాణాన్ని అప్రూవ్ చేశారని ఆయన వివరించారు.
అనంతరం డిప్యూటీ సిటీ ప్లానర్ కూడా అన్నీ పరిశీలించారని, చీఫ్ సిటీ ప్లానర్ సైట్ను పరిశీలించి ఎలాంటి అభ్యంతరాలు వ్యక్తం చేయలేదని, అయితే జీహెఎంసీ కావాలనే తిరస్కరించిందని ఆయన తెలిపారు.
-
కుటుంబ సమేతంగా తిరుమలకు చేరుకున్న ముఖ్యమంత్రి చంద్రబాబు.. -
తెలుగు ప్రజలకు సీఎం చంద్రబాబు, రేవంత్రెడ్డి "ఉగాది" స్పెషల్ విషెస్ !!! -
అవార్డుల గురించి చంద్రబాబుకు పాఠాలు చెప్పిన చిరంజీవి... విన్నారా? -
హైదరాబాద్ మెట్రో రైల్ విస్తరణపై భారీ శుభవార్త! -
భారీగా పెరిగిన డీజిల్ ధరలు, తగ్గుతున్న నిల్వలు- కొత్త రేట్లు ఇలా..!! -
ఈ జిల్లాలకు వర్ష సూచన చేసిన ద్రోణి.. రైతన్నలూ అలెర్ట్! -
వైసీపీలోకి రీ ఎంట్రీ పై తేల్చేసిన బాలినేని, ఆయన నాయకుడు మాత్రమే కాదు..!! -
చర్లపల్లి నుంచి ఏపీ మీదుగా కొత్త అమృత్ భారత్-హాల్ట్ లు ఇవే, ఆ రోజు నుంచే..! -
రైతు భరోసా నిధుల విడుదల వేళ మరో ట్విస్ట్, కీలక మార్పులు..!! -
జీవన్ రెడ్డి బీఆర్ఎస్ లో చేరిక వేళ బీజేపీ బిగ్ ట్విస్ట్, రూట్ క్లియర్..!! -
ఇంటర్ ఫలితాల ముహూర్తం ఖరారు : వేసవి సెలవుల పై తాజా ఉత్తర్వులు..!! -
దేవాన్ష్ పేరిట తిరుమలలో ఆ రోజు ఖర్చు మొత్తం చంద్రబాబుదే, స్వయంగా..!!
Click it and Unblock the Notifications
Sign in with Google