అప్పుడు ఏం చేసారు - తిరుమల లడ్డూ వివాదంపై షర్మిల వ్యాఖ్యలు..!!

తిరుమల లడ్డూ వివాదం పై రాజకీయ చర్చ కొనసాగుతోంది. తాజాగా లడ్డుకు వినియోగించే నెయ్యిలో కల్తీ జరిగిందని తాజా లాబ్ నివేదిక బయటకు వచ్చింది. దీంతో, భక్తులు ఆగ్రహం వ్యక్తం చేస్తున్నారు. ఈ అంశం పైన సీబీఐ విచారణ చేయాలని వైసీపీ హైకోర్టులో పిటీషన్ దాఖలు చేసింది. పీసీసీ చీఫ్ షర్మిల కీలక వ్యాఖ్యలు చేసారు. విచారణ చేయాలని డిమాండ్ చేసారు.

పవిత్రమైన తిరుమల లడ్డులో జంతువుల కొవ్వు వాడటం చిన్న విషయం కాదని పీసీసీ అధ్యక్షురాలు వైఎస్ షర్మిల కీలక వ్యాఖ్యలు చేశారు. కోట్లాది మంది భక్తుల మనోభావాలను దెబ్బతీశారన్నారు. ఇంత పెద్ద విషయాన్ని చంద్రబాబు అంత ఈజీగా ఎలా తీసుకున్నారని ప్రశ్నించారు. 100 రోజుల ముందే తెలిస్తే.. అప్పుడే ఎందుకు బయటపెట్టలేదని ప్రశ్నించారు వైఎస్ షర్మిల. లడ్డూ వివాదం పై సీబీఐతో విచారణ జరిపించాలని డిమాండ్ చేశారు.

కాంగ్రెస్ ఈ వ్యవహారాన్ని సీరియస్ గా తీసుకుందని.. సీబీఐ విచారణ కోరుతూ హోంశాఖకు లేఖ రాసారు. లడ్డూ వివాదం పై ప్రధాని, హోంమంత్రి జోక్యం చేసుకోవాలని డిమాండ్ చేశారు. రాజకీయంగా వాడుకోవడానికే ఇప్పుడు బయట పెట్టారా అంటూ వ్యాఖ్యానించారు. సీబీఐ ఎంక్వైరీ జరగకపోతే తప్పు ఎవ్వరూ చేశారనే విషయం బయటికీ రాదని పేర్కొన్నారు. ఒకవేళ నిజంగానే తప్పు జరిగితే.. వాళ్ల మీద యాక్షన్ తీసుకోవాలిని డిమాండ్ చేసారు. లేకుంటే మళ్లీ ఇలాంటి ఘటనలు జరిగే అవకాశం షర్మిల వ్యాఖ్యానించారు.

English summary

APCC Chief YS Sharmila demands CBI probe over Tirumala Laddu row.