ఏపీలో రిజిస్ట్రేషన్ ఫీజులు పెంచుతూ ఉత్తర్వులు జారీ

హైదరాబాద్: ఆంధ్రప్రదేశ్‌లో రిజిస్ట్రేషన్ ఫీజులు పెంచుతూ రాష్ట్ర ప్రభుత్వం ఉత్తర్వులు జారీ చేసింది. ఈ మేరకు జీవోలు 393, 94, 95లను విడుదలచేసింది. దీంతో స్టాంప్ డ్యూటీ 4 నుంచి 5 శాతం, రిజిస్ట్రేషన్ ఫీజును 0.5 శాతం నుంచి ఒక శాతానికి పెంచింది.

ఇక కుటుంబ సభ్యుల మధ్య జరిగే ఒప్పందాలపై ఒక శాతం ఫీజు, ఇతర ఒప్పందాలపై 6 నుంచి 3 శాతానికి ఫీజును సవరించారు. రిజిస్ట్రేషన్ ఫీజులకు సంబంధించి 2013 మార్చి 30న ఇచ్చిన ఉత్తర్వులను కొట్టివేసిన ప్రభుత్వం, తాజా ఉత్తర్వులు ఇచ్చింది.

ఈ రిజిస్ట్రేషన్ ఫీజులు పెంచుతూ తీసుకున్న నిర్ణయ ఫైలుకు జపాన్ పర్యటనకు వెళ్లకముందే సీఎం చంద్రబాబు ఆమోదం తెలిపారని తెలుస్తోంది.

ఆంధ్రప్రదేశ్ పోలీసు శాఖకు కొత్త వాహనాలు:

ఆంధ్రప్రదేశ్ పోలీస్ శాఖకు కొత్త వాహనాలు కొనుగోలు చేసేందుకు ప్రభుత్వం అనుమతి తెలిపింది. ఈ మేరకు సర్కారు ఉత్తర్వులు జారీ చేసింది. మొత్తం రూ.100 కోట్లతో 2,422 వాహనాలు కొనుగోలు చేయనున్నట్టు తెలిపింది.

English summary

The revenue department has finalized the rates and the revised rates are slated to be implemented from December 1. "The proposal to increase land registration rates and stamp duty has received the approval of the state government.