ఏపీకి వెళ్తున్న పర్యాటకులకు తీపికబురు.. దేశంలోనే తొలిసారిగా కొత్త టూరిస్ట్ విధానం!

ఆంధ్రప్రదేశ్ ప్రభుత్వం రాష్ట్రంలో అన్ని రంగాల అభివృద్ధి పైన ప్రత్యేక దృష్టి సారిస్తోంది. ఇందులో భాగంగా పర్యాటకంగా అభివృద్ధి పైన కూడా ప్రత్యేక దృష్టి సారించిన ఏపీ ప్రభుత్వం పర్యాటక ప్రాంతాలను ఆధునీకరిస్తూ కారవాన్ టూరిజం, హోం స్టే వంటి సరికొత్త విధానాలతో పర్యాటకులను ఆకర్షిస్తోంది. ఇందులో భాగంగా దేశంలోనే తొలిసారిగా 'డ్రైవర్ కమ్ గైడ్' పేరుతో ఏపీ ప్రభుత్వం వినూత్న కార్యక్రమాన్ని ప్రారంభించింది.

ఏపీ పర్యాటక శాఖ, ర్యాపిడో సంయుక్తంగా డ్రైవర్ కమ్ గైడ్ విధానం

ఏపీ పర్యాటక శాఖ, రెయిడ్ హెయిలింగ్ సంస్థ ర్యాపిడో కలిసి ఈ డ్రైవర్ కమ్ గైడ్ విధానాన్ని అమలు చేయనున్నాయి. ర్యాపిడోలోని ఫైవ్ స్టార్ రేటింగ్ ఉన్న ఆటో మరియు క్యాబ్ డ్రైవర్లను ఎంపిక చేసి వారికి టూరిస్ట్ గైడ్ లుగా శిక్షణ ఇస్తారు. ఈ శిక్షణలో భాగంగా పర్యాటక ప్రాంతాలకు సంబంధించిన చరిత్ర, సంస్కృతి, విశిష్టతతో పాటు, ముఖ్యమైన అనేక అంశాలను, పర్యాటకులతో వ్యవహరించే విధానాన్ని, భద్రతను నేర్పిస్తారు.

280 మంది ర్యాపిడో డ్రైవర్లకు శిక్షణ

ఈ క్రమంలోనే ఈ కార్యక్రమాన్ని ప్రయోగాత్మకంగా విజయవాడలో మొదలుపెట్టారు అధికారులు. మొత్తం 248మంది ఆటో డ్రైవర్లకు, 32 మంది క్యాబ్ డ్రైవర్లకు కలిపి మొత్తం 280 మంది ర్యాపిడో డ్రైవర్లకు శిక్షణ ఇస్తున్నారు. మీరంతా ఫైవ్ స్టార్ రేటింగ్ కలిగిన వారు. శిక్షణలో భాగంగా వీరికి విజయవాడ సమీపంలో ఉన్న పర్యాటక ప్రాంతాలకు సంబంధించిన ఆసక్తికర విషయాలను అంతే ఆసక్తికరంగా ఎలా వివరించారో స్క్రీన్ పైన వివరిస్తూ అవగాహన కల్పిస్తున్నారు.

ర్యాపిడో యాప్ లో టూరిస్ట్ గైడ్ ఆప్షన్

వీరి ద్వారా ప్రయాణికుల కోసం ప్రత్యేక ప్రణాళికలను చేస్తున్నారు. ర్యాపిడో యాప్ లో టూరిస్ట్ గైడ్ ఆప్షన్ అందుబాటులోకి తెచ్చి, ఆ విధానంలో బుక్ చేసుకోవడానికి పర్యాటకులకు ఆప్షన్ ఇస్తున్నారు. యాప్ తెరవగానే అక్కడి దాదాపు 20 పర్యాటక ప్రాంతాలు కనిపిస్తాయి.

ఏపీలో ఈ ప్లాన్ సక్సెస్ అవుతుందా?

వాటిని పర్యాటకులు ఎంపిక చేసుకుంటే, శిక్షణ పొందిన డ్రైవర్ గైడ్ లు తమ వాహనాలలో వారికి గైడ్ చేస్తారు. విదేశీ పర్యాటకుల కోసం గూగుల్ ట్రాన్స్ లేట్, ఇతర భాష యాప్ ల వినియోగం పైన కూడా శిక్షణ ఇస్తున్నారు. ఏపీలో ఈ ప్రోగ్రాం ఏ మేరకు సక్సెస్ అవుతుందో వేచి చూడాలి.

English summary

The AP govt has launched an innovative program called 'Driver Cum Guide' for the first time in the country. The officials have started it on a pilot basis in Vijayawada. A total of 248 auto drivers and 32 cab drivers, totaling 280 rapido drivers, are being trained.