విజయవాడలో దారుణం.. బాలుడి కిడ్నాప్, హత్య.. బెట్టింగ్ వ్యవహారమే కారణమా?

విజయవాడలోని కృష్ణలంకలో దారుణం చోటుచేసుకుంది. ఓ బాలుడు(8)ని కిడ్నాప్‌ చేసిన నిందితులు అతడి తల్లిదండ్రులను డబ్బు డిమాండ్ చేశారు. వారు ఇవ్వలేకపోవడంతో ఆ బాలుడ్ని హత్య చేశారు.

విజయవాడ: విజయవాడలోని కృష్ణలంకలో దారుణం చోటుచేసుకుంది. ఓ బాలుడు(8)ని కిడ్నాప్‌ చేసి అనంతరం హత్య చేశారు. మీ అబ్బాయిని కిడ్నాప్ చేశాం.. డబ్బులిస్తే వదిలేస్తాం.. అంటూ నిందితులు తమను డిమాండ్ చేశారని బాలుడి తల్లిందడ్రులు పోలీసులకు ఫిర్యాదు చేశారు.

దీంతో ఆ బాలుడి తల్లిదండ్రులకు వచ్చిన ఫోన్‌ కాల్‌ ఆధారంగా పోలీసులు నిందితులను గుర్తించారు. నిందితులిద్దరిని అదుపులోకి తీసుకున్నారు. కానీ అప్పటికే జరగాల్సిన ఘోరం జరిగిపోయింది.

కిడ్నాప్ చేసిన ఆ బాలుడిని చంపి, అతడి మృతదేహన్ని గోనెసంచిలో కట్టి పూడ్చివేసినట్లు నిందితులు తెలిపారు. అనంతరం పోలీసులు ఘటనాస్థలానికి చేరుకుని బాలుడి మృతదేహన్ని వెలికితీసి పోస్టుమార్టం కోసం ఏరియా ఆసుపత్రికి తరలించారు.

ఈ దారుణానికి కారణం బెట్టింగ్ వ్యవహారంగా తెలుస్తోంది. బెట్టింగ్ కు అలవాటు పడి.. డబ్బు కోసం ఆ బాలుడిని కిడ్నాప్ చేసి అతడి తల్లిదండ్రులను బ్లాక్ మెయిల్ చేసినట్లు నిందితులు పేర్కొన్నారు. నిందితులిద్దరిలో ఒకరు ఇంటర్మీడియెట్ విద్యార్థి. ఈ ఘటనపై పోలీసులు కేసు నమోదు చేసుకున్నారు.

English summary

A 8-year-old boy was kidnapped and by the accused due to non payment of the money. This incident was reported in Krishna Lanka of Vijayawada. According to police, one of the accused was an intermediate student. The two accused were habitual of betting. They planned to get money for their betting through this kidnapping. When the parents of the boy approached police, accused murdered and burried him. Police taken both the accused into their custody and filed a case against them.