పోలింగ్ వేళ తండ్రి వైఎస్సార్ ను తలుచుకుని వైఎస్ షర్మిల ఎమోషనల్ పోస్ట్

ఆంధ్రప్రదేశ్ రాష్ట్రంలో ఎన్నికల పోలింగ్ జరుగుతుంది. అక్కడక్కడ ఘర్షణలు, దాడులు, ఉద్రిక్తతలతో ఏపీలో అనేక చోట్ల టెన్షన్ వాతావరణం చోటు చేసుకుంది. ఎన్నికలను సజావుగా నిర్వహించడం కోసం రంగంలోకి దిగిన పోలీసులు, భద్రతా బలగాలు పరిస్థితులను చక్కదిద్దుతూ పోలింగ్ కొనసాగేలా చేస్తున్నారు. కానీ ఎప్పుడు ఎక్కడ ఏం జరుగుతుందో అర్ధం కాని పరిస్థితి.

పోలింగ్ నాడు వైఎస్ షర్మిల ఎమోషనల్ పోస్ట్
ఈసారి ఎన్నికలను అన్ని రాజకీయ పార్టీలు ప్రతిష్టాత్మకంగా తీసుకుంటున్న సమయంలో అన్ని పార్టీలలోనూ ఓటర్ దేవుళ్ళ తీర్పు ఏవిధంగా ఉండబోతుంది అన్న ఆందోళన నెలకొంది. ఆంధ్రప్రదేశ్ రాష్ట్రంలో పోలింగ్ రోజున ఏపీ కాంగ్రెస్ పార్టీ అధ్యక్షురాలు, కడప ఎంపీ అభ్యర్థి వైయస్ షర్మిల సోషల్ మీడియా వేదికగా ఒక ఎమోషనల్ పోస్ట్ చేశారు.

రాష్ట్ర భవితను మార్చే ఎన్నికల పండగ వేళ, ఒకప్పడు మా తండ్రి డాక్టర్ స్వర్గీయ వైఎస్.రాజశేఖర రెడ్డి గారు ప్రాతినిధ్యం వహించిన కడప నియోజకవర్గం నుండి పోటీ చేయటం ఒక అపురూపమైన అనుభూతి. ఆయనను మనస్ఫూర్తిగా స్మరించుకుంటూ అమ్మ నాన్న ఆశీస్సులు,దేవుడి దీవెన,ప్రజల ఆశీర్వాదం నాకున్నాయని… pic.twitter.com/9hUEcU0Njz

— YS Sharmila (@realyssharmila) May 13, 2024

తాను తండ్రి వైయస్ రాజశేఖర్ రెడ్డి తో కలిసి కూర్చున్న ఒక అరుదైన ఫోటోను జోడించి పెట్టిన ఎమోషనల్ పోస్ట్ ఇప్పుడు సోషల్ మీడియాలో వైరల్ అవుతుంది. ఈ పోస్టులో వైయస్ షర్మిల రాష్ట్ర భవితను మార్చే ఎన్నికల పండగ వేళ, ఒకప్పడు మా తండ్రి డాక్టర్ స్వర్గీయ వైఎస్.రాజశేఖర రెడ్డి గారు ప్రాతినిధ్యం వహించిన కడప నియోజకవర్గం నుండి పోటీ చేయటం ఒక అపురూపమైన అనుభూతి అని పేర్కొన్నారు.

ప్రజల ఆశీర్వాదం తనపై ఉందని నమ్ముతున్నాను
ఆయనను మనస్ఫూర్తిగా స్మరించుకుంటూ అమ్మ నాన్న ఆశీస్సులు,దేవుడి దీవెన, ప్రజల ఆశీర్వాదం నాకున్నాయని నమ్ముతున్నాను. అంటూ పేర్కొన్నారు. అంతేకాదు ఒక మహత్తర పోరుకు సిద్ధమవుతున్న తరుణంలో, ఇవాళ ఓటు వేసే ముందు, నాకు జన్మను మాత్రమే కాదు, అంతకు మించి స్ఫూర్తి, పోరాటపటిమ ఇచ్చిన మా తండ్రి, మహానేత, డా వైఎస్ రాజశేఖర రెడ్డిగారికి శ్రద్దాంజలి ఘటించి, ఆయన ఆశీర్వాదం తీసుకున్నానని కూడా వైయస్ షర్మిల వెల్లడించారు.

ఒక మహత్తర పోరుకు సిద్ధమవుతున్న తరుణంలో, ఇవాళ ఓటు వేసే ముందు, నాకు జన్మను మాత్రమే
కాదు, అంతకు మించి స్ఫూర్తి, పోరాటపటిమ ఇచ్చిన మా తండ్రి, మహానేత, డా వైఎస్ రాజశేఖర రెడ్డిగారికి శ్రద్దాంజలి ఘటించి, అయన ఆశీర్వాదం తీసుకున్నాను pic.twitter.com/CJsnvV5yau

— YS Sharmila (@realyssharmila) May 13, 2024

ఇడుపుల పాయలో వైఎస్సార్ ఘాట్ వద్ద ఆయనకు నివాళులు అర్పించిన షర్మిల, ఆపై తన భర్త అనిల్ కుమార్ తో కలిసి ఓటు హక్కును వినియోగించుకున్నారు. వైయస్ రాజశేఖర్ రెడ్డి ని గుర్తు చేస్తూ వైఎస్ షర్మిల పెట్టిన ఎమోషనల్ పోస్ట్ ఇప్పుడు ప్రస్తుతం ఆసక్తికరంగా మారింది.

English summary

YS Sharmila made an emotional post during the election. She said that contesting from Kadapa, which was once represented by my father YSR, is an incredible feeling and he believes that the blessings of his father, mother and people.