Cheating: వీడు మగాడురా బుజ్జీ, సీఎం, మంత్రుల చాంబర్ల దగ్గరే ?, పోలీసులనే దబాయించి?, క్లైమాక్స్!

బెంగళూరు: నేను ప్రభుత్వ అధికారి, నేను పోలీసు, నేను పోటుగాడు అంటూ అమాయకులను నమ్మిస్తున్న కేటుగాళ్లు మోసం చేస్తున్న విషయం తెలిసిందే. ఇలా బయట చెప్పుకుని పబ్బం గడుపుకోవడం మమూలుగానే చూస్తున్నాము. అయితే ఓ రాష్ట్రానికి సెక్రటేరీయట్, అక్కడ సీఎం చాంబర్, మంత్రుల చాంబర్లు ఉన్న చోట ఉన్నతస్థాయి ఉద్యోగాలు చేస్తున్న అధికారులనే బెదిరించి పనులు చేసుకుంటున్న ఓ వ్యక్తి పలవురిని మోసం చేస్తూ పోలీసులకు చిక్కిపోవడం హాట్ టాపిక్ అయ్యింది.

విధాన సౌధా అంటే టక్కున గుర్తుపట్టేస్తారు

కర్ణాటక రాష్ట్రానికి సెక్రటేరియట్ విధాన సౌధలో ఉంది. బెంగళూరు విధాన సౌధ అంటే భారతదేశంలోనే కాకుండా విదేశాల్లో మంచి గుర్తింపు ఉంది. విధాన సౌధలోనే కర్ణాటక శాసనసభ సమావేశాలు జరుగుతాయి. కర్ణాటక సీఎంతో పాటు మంత్రులు అందరికి విధాన సౌధాలో చాంబర్లు ఉన్నాయి.

ఎంట్రీ ఇవ్వాలంటే పాస్ ఉండాలి

విధాన సౌధలోని ఎంట్రీ కావాలంటే కచ్చితంగా పాస్ అయినా ఉండాలి, లేదా మంచి హోదాలో పని చేసే ప్రభుత్వ ఉద్యోగి అయినా ఉండాలని. అలాంటి విధాన సౌధాలో తాను పట్టణాభివృద్ది శాఖ అధికారి అంటూ ఓ ఐడీ కార్డు పెట్టుకుని ప్రభుత్వ ఉద్యోగులను బెదిరించి పలువురికి కాంట్రాక్టు పనులు ఇప్పించాడు.

బెంగళూరులో పోటుగాడు

బెంగళూరు నగరంలోని బసవేశ్వరనగర్ లోని కిలోస్కర్ కాలనీలో నివాసం ఉంటున్న చంద్రప్ప అలియాస్ చంద్ర (36) అనే వ్యక్తి విధాన సౌధలో నానా హంగామా చేస్తున్నాడు. కర్ణాటక ప్రభుత్వం జారీ చేసినట్లు ఐడీ కార్డ్ 193/ 2019 అనే కార్డు జోబులో పెట్టుకున్న చంద్రప్ప నేరుగా విధాన సౌదలోకి వెళ్లిపోతున్నాడు.

నేను ప్రభుత్వ ఉద్యోగి

నేను పట్టణాభివృద్ది శాఖ అధికారిగా ఉద్యోగం చేస్తున్నానని పలువురికి చెప్పి మీకు ప్రభుత్వ కాంట్రాక్టు పనులు ఇప్పిస్తానని నమ్మించి వారి దగ్గర డబ్బులు వసూలు చేశాడని ఆరోపణలు ఉన్నాయి. ఇలా మోసపోయిన ఓ వ్యక్తి విధాన సౌధ పోలీసులకు సమాచారం ఇచ్చారు. విధాన సౌధాలో నానా హంగామా చేస్తూ అటూఇటూ తిరుగుతున్న చంద్రప్పను అదే విధాన సౌధాలో పోలీసులు పట్టుకున్నారు.

పోలీసులను దబాయించిన పోటుగాడు

పోలీసుకు కూడా నేను ప్రభుత్వ ఉద్యోగి అంటూ చంద్రప్ప దబాయించాడని చెప్పడంతో అక్కడ ఉన్న అధికారులు హడలిపోయారు. నకిలి ప్రభుత్వ అధికారి చంద్రప్పను అదుపులోకి తీసుకుని విచారణ చేస్తున్నామని విధాన సౌధా పోలీసులు అన్నారు. విధాన సౌధాలోనే నకిలి ప్రభుత్వ ఉద్యోగి అరెస్టు కావడం హాట్ టాపిక్ అయ్యింది.

అయితే చంద్రప్ప ఇంతవరకు ఎంత మందిని ఇలా మోసం చేశాడు ?, ఎంతకాలం నుంచి విధాన సౌధాలో తిరుగుతున్నాడు ?, నకిలి ఐడీ కార్డు ఎవరు తయారు చేసి ఇచ్చారు ? అంటూ విధాన సౌధా పోలీసులు పిన్ టూ పిన్ బయటకు లాగుతున్నారు.

English summary

Cheating: He is a fraudster who was caught by the police by creating a ruckus in Vidhana Soudha, claiming to be a government official.