Wife: లవ్ మ్యారేజ్, కాలేజ్ కు వెలుతున్న కొత్త పెళ్లికూతురు, ఎంత మంది బాయ్ ఫ్రెండ్స్ కావాలే నీకు?

చెన్నై/కడలూరు: కాలేజ్ చదువు పూర్తి చేసిన యువకుడు ప్రభుత్వ ఉద్యోగం సంపాధించాలని ప్రయత్నాలు చేస్తున్నాడు. యువకడు నివాసం ఉంటున్న ఇంటి ఎదరురుగా ఓ యువతి నివాసం ఉంటున్నది, ఆ యువతి కాలేజ్ లో చదువుతోంది. కాలేజ్ అమ్మాయిని ఆ యువకుడు ముగ్గులోకి దింపాడు. ఇద్దరూ ప్రేమించుకున్నారు. ప్రేమికులు పెళ్లి చేసుకోవాలని అనుకున్నారు. పెళ్లికి అమ్మాయి కుటుంబ సభ్యులు అందరూ వ్యతిరేకించారు. అమ్మాయి తల్లి విదేశాల్లో ఉండటంతో కొంతకాలం గొడవ జరిగింది.

తరువాత ప్రేమికులు అబ్బాయి కుటుంబ సభ్యుల సమక్షంలో పెళ్లి చేసుకున్నారు. వివాహం చేసుకున్న తరువాత కొత్త పెళ్లికూతురు కాలేజ్ కు వెళ్లివస్తోంది. కాలేజ్ కు వెలుతున్న భార్య మీద అనుమానంతో ఆమెకు భర్త సెక్యూరిటీ గార్డు అయ్యాడు. కాలేజ్ లో తన భార్య బాయ్ ఫ్రెండ్స్ తో కులుకుతోందని రగిలిపోయిన భర్త ఆమెను చితకబాదుతున్నాడు. చివరికి భార్యను చంపేసిన భర్త ఆమె ఆత్మహత్య చేసుకుందని డ్రామాలు ఆడాడు.

కాలేజ్ అమ్మాయితో లవ్

తమిళనాడులోని కడలూరు జిల్లా వృధాచలం మున్సిపాలిటీ పరిధిలోని సెల్వరాజ్ వీధిలో విఘ్నేష్ అనే యువకుడు నివాసం ఉంటున్నాడు, విఘ్నేష్ ఇంటి ఎదురుగా గ్రేసియాల్ అనే యువతి నివాసం ఉంటున్నది. విఘ్నేష్ చదువు పూర్తయ్యాక ప్రభుత్వ ఉద్యోగం సంపాధించాలని అనేక ప్రయత్నాలు చేస్తున్ననాడు. గ్రేసియాల్ అదే ఊరిలోని ఓ కళాశాలలో చదువుకుంటున్నది. ఎదురెదురు ఇళ్లలో ఉంటున్న విఘ్నేష్, గ్రేసియాల్ కొన్ని సంవత్సరాల నుంచి ఒకరినొకరు చూసుకుంటూ ప్రేమలో పడ్డారు. గత కొన్నేళ్లుగా గ్రేసియాల్, విఘ్నేష్ ప్రేమించుకుంటున్నారు.

పెళ్లిని వ్యతిరేకించిన అమ్మాయి ప్యామిలీ

గ్రేసియాల్ తల్లి విదేశాల్లో ఉద్యోగం చేస్తోంది. గ్రేసియాల్ ప్రేమ వ్యవహారం ఆమె కుటుంబ సభ్యులకు తెలిసింది, విఘ్నేష్ ను పెళ్లి చేసుకోవడానికి వీలులేదని విదేశాల్లో ఉన్న తల్లి ఆమె కుమార్తె గ్రేసియాల్ కు తేల్చి చెప్పింది. విఘ్నేష్ ఇంట్లో లవ్ మ్యారేజ్ కు అంగీకరించారు. 9 నెలల క్రితం గ్రేసియాల్ ఆమె కుటుంబ సభ్యుల వ్యతిరేకతతో ప్రియుడు విఘ్నేష్‌ను పెళ్లి చేసుకుంది. ఈ పెళ్లికి గ్రేసియాల్ కుటుంబ సభ్యులు, బంధువులు ఎవ్వరూ హాజరు కాలేదని సమాచారం, విఘ్నేష్ కుటుంబ సభ్యులు, బంధువులు పెళ్లికి వెళ్లి కొత్త దంపతులను ఆశీర్వధించారు.

కొత్త పెళ్లికూతురి మీద డౌట్

విఘ్నేష్ తరచు గ్రేసియల్‌పై కోపం తెచ్చుకుంటున్నాడు. పెళ్లి చేసుకున్న తరువాత గ్రేసియల్ తన సొంతం అయ్యిందని నిత్యం ఆమెను టార్చర్ పెట్టేవాడని ఆరోపణలు ఉన్నాయి, పెళ్లి తరువాత కొత్త పెళ్లి కూతురు గ్రేసియల్ కాలేజ్ కు వెళ్లి చదువుతోంది. కాలేజీలో మగ స్నేహితులతో తన భార్య గ్రేసియల్ మాట్లాడటం చూసి కోపంతో విఘ్నేష్ ఆమెను చితకబాదుతున్నాడు. నేను రోజు నీకు పడక సుఖం ఇస్తుంటే నీకు మళ్లీ బాయ్ ఫ్రెండ్స్ కావాలని విఘ్నేష్ రెచ్చిపోయాడని తెలిసింది. తన భార్య గ్రేసియల్ కాలేజ్ బాయ్ ఫ్రెండ్స్ తో కులుకుతోందని విఘ్నేష్ కు అనుమానం ఎక్కువ అయ్యింది.

డ్రగ్స్, మద్యంకు బానిస అయిన భర్త

ప్రతిరోజు కాలేజ్ నుంచి ఇంటికి వస్తున్న గ్రేసియల్ ప్రవర్తన మీద అనుమానంతో ఆమెను రోజూ కొడుతూ వేధించడం మొదలుపెట్టాడు. కొన్ని నెలల నుంచి విఘ్నేష్ మద్యానికి బానిస అయ్యాడు. అంతేకాకుండా విఘ్నేష్ గంజాయితో సహా మత్తు పదార్థాలకు కూడా బానిస అయ్యాడని వెలుగు చూసింది. భర్త విఘ్నేష్ కొట్టిన ప్రతిసారి గ్రేసియల్ ఆమె పుట్టింటిలో ఉంటున్న ఆమె చెల్లెలికి అన్ని విషయాలు చెబుతుూ వచ్చింది.

పుట్టింటికి వెళితే అక్కడికి వెళ్లి చితకబాదేశాడు

విదేశాల్లో ఉన్న తల్లికి మాత్రం గ్రేసియల్ ఈ విషయాలు చెప్పలేదు. భర్త చిత్రహింసలు తట్టుకోలేక గ్రేసియల్ కొన్ని రోజులు తన సోదరి ఇంటికి వెళ్లిపోయింది. భార్య మీద రగిలిపోయిన విఘ్నేష్ అతని భార్య చెల్లెలి ఇంటికి వెళ్లి అక్కడ ఉన్న వాళ్లను చితకబాది అతని భార్య గ్రేసియల్ ను ఇంటికి ఈడ్చుకుని వెళ్లాడు. ఇంకోసారి పుట్టింటి వైపు చూస్తే నిన్ను చంపేస్తానని విఘ్నేష్ అతని భార్య గ్రేసియల్ కు వార్నింగ్ ఇచ్చాడు.

భార్యను రోడ్డు మీద అర్దనగ్నంగా చేసి?

ఇది జరిగిన కొన్ని రోజుల తరువాత గ్రేసియల్ ఇంట్లో నైటీతో ఉన్న సమయంలో ఆమెను చితకబాది ఆమెను ఇంటి నుంచి బయటకు లాక్కొని వెళ్లాడు. మద్యం మత్తులో భార్యను వీధిలోకి లాగి అందరూ చూస్తుండగానే గ్రేసియల్ మీద దారుణంగా దాడి చేశాడు. గ్రేసియల్ నైటీ చిరిగిపోయి రోడ్డుపై అర్ధనగ్నంగా పడి ఉన్న సమయంలో అప్పుడు కొందరు వీడియో తియ్యడంతో ఇప్పుడు ఆ వీడియో బయటకు వచ్చింది. ఈ వీడియో కూడా గ్రేసియల్ ఇటీవల ఆమె సోదరికి పంపించింది. ఆ రోజు అంత జరిగినా గ్రేసియల్ మాత్రం ఆత్మహత్య చేసుకోవాలని ఎప్పుడూ అనుకోలేదు.

ఆత్మహత్య చేసుకుందని?

రాత్రి దంపతుల మధ్య గొడవ జరిగింది. తరువాత గ్రేసియల్ ఆత్మహత్య చేసుకుందని విఘ్నేష్ ఆమె కుటుంబ సభ్యులకు సమాచారం ఇచ్చాడు. ఇంతకు ముందు పెద్దపెద్ద గొడవలు జరిగిన సమయంలో గ్రేసియల్ ఆత్మహత్య చేసుకోలేదని, ఇప్పుడు ఎలా ఆత్మహత్య చేసుకుందని ఆమె బంధువులు అందరూ విఘ్నేష్ ను నిలదీశారు.

అయితే అప్పటికే పీకలదాక మద్యం సేవించిన విఘ్నేష్ అతని భార్య గ్రేసియల్ తల్లి ఇంటికి నిప్పంటించాడు. గ్రేసియల్ ను హత్య చేసి ఆత్మహత్యగా చిత్రీకరిస్తున్నాడని బంధువులు అందరూ విఘ్నేష్ మీద కేసు పెట్టారు. పోలీసులు శాడిస్టు విఘ్నేష్ ను అరెస్టు చేసి విచారణ చేస్తున్నారు.

English summary

The husband is suspicious of the new bride who is going to college, suspecting that she is enjoying herself with college friends.