Hyderabad: హైదరాబాద్ వాసులకు అలర్ట్.. ఆదివారం అటువైపు వెళ్తున్నారా..!

హైదరాబాద్ లో అషాఢ మాస బొనాలు కొనసాగుతోన్నాయి. బోనాలు సందర్భంగా సికింద్రాబాద్‌లో ట్రాఫిక్ మళ్లింపులు, వాహనాల పార్కింగ్ ఏర్పాట్లకు సంబంధించి తెలంగాణ ట్రాఫిక్ పోలీస్ శాఖ ఒక ప్రకటన విడుదల చేసింది. జులై 22వ తేదీ అర్ధరాత్రి నుంచి ఉత్సవాలు పూర్తయ్యే వరకు ట్రాఫిక్ మళ్లింపులు, పార్కింగ్ ఏర్పాట్లు చేయనున్నారు. కర్బలా మైదాన్, రాణిగంజ్, ఓల్డ్ రామ్‌గోపాల్‌పేట్, ప్యారడైజ్, ప్లాజా, SBI రోడ్, YMCA, రోడ్స్, సెయింట్ జాన్స్ రోటరీ, సంగీత్ రోడ్, ప్యాట్నీ రోడ్, పార్క్ లేన్, బాటా, ఘాస్మండి రోడ్ల, జంక్షన్‌ వద్ద ట్రాఫిక్ ఆంక్షలు విధించనున్నారు.

ఇందుకు ప్రజలు సహకరించాలని అభ్యర్థించారు. బైబిల్ హౌస్, మినిస్టర్స్ రోడ్, రసూల్‌పురాలో జులై 21న ఉదయం 12:00 గంటల నుంచి జులై 22న పండుగ పూర్తయ్యే వరకు ట్రాఫిక్ ఆంక్షలు అమల్లు ఉంటాయని ట్రాఫిక్ పోలీసులు ప్రకటించారు. సికింద్రాబాద్ రైల్వే స్టేషన్ నుంచి రైళ్లలో ప్రయాణించాలనుకునే సాధారణ ప్రయాణీకులు సకాలంలో రైల్వే స్టేషన్‌కు చేరుకోవడానికి ముందుగానే బయలుదేరాలని కోరారు.

బోనాలు ఊరేగింపు సందర్భంగా ప్లాట్‌ఫారమ్ నంబర్ 1 వైపు నుంచి సికింద్రాబాద్ రైల్వే స్టేషన్‌కు చేరుకునేటప్పుడు ట్రాఫిక్ రద్దీ ఉంటుందని అంచనా వేస్తున్నారు. అందుకే ప్రజలు చిలకలగూడ వైపు నుంచి సికింద్రాబాద్ రైల్వే స్టేషన్‌లోని ప్లాట్‌ఫారమ్ నంబర్ 10 నుంచి ప్రవేశాన్ని ఉపయోగించాలని అభ్యర్థించారు. సికింద్రాబాద్‌లోని ఉజ్జయిని మహంకాళి ఆలయానికి 2 కిలోమీటర్ల పరిధిలో ట్రాఫిక్ రద్దీ ఉంటుందని తెలిపారు.

సికింద్రాబాద్‌లోని పొగాకు బజార్, ఆడియా రోడ్లు, ఔడయ్య రోడ్లు, జనరల్ బజార్ నుంచి మహంకాళి ఆలయానికి వెళ్లే రహదారులన్నీ అన్ని వాహనాల రాకపోకలకు మూసివేయనున్నారు. బాటా ఎక్స్ రోడ్ల నుంచి పాత రాంగోపాల్‌పేట వరకు సుభాష్ రోడ్డు కూడా మూసివేస్తారు.
బోనాల ఉత్సవాల్లో పాల్గొనే భక్తులు తమ వాహనాలను నిర్ణీత ప్రదేశాల్లో మాత్రమే పార్క్ చేయాలని, ట్రాఫిక్ రద్దీని నివారించేందుకు ప్రయాణికులు ప్రత్యామ్నాయ మార్గాల్లో వెళ్లాలని సూచించారు. ప్రయాణ సమయంలో ఏదైనా అత్యవసర పరిస్థితి ఏర్పడితే, ప్రయాణికులు ట్రాఫిక్ పోలీసు హెల్ప్‌లైన్ 9010203626కు కాల్ చేయవచ్చు.

English summary

Ujjain Mahankali bona will be held in Secunderabad on Sunday. Traffic restrictions will be imposed on this occasion