అయ్యో ఘోర రోడ్డు ప్రమాదం.. ఐదుగురు భక్తులు మృతి

మహారాష్ట్రలోని సోలాపూర్- పూణె జాతీయ రహదారిపై ఘోర రోడ్డు ప్రమాదం జరిగింది. శనివారం రాత్రి జరిగిన ఈ ఘోర ప్రమాదంలో ఐదుగురు భక్తులు మృతి చెందారు. ఓ మహిళకు తీవ్ర గాయాలయ్యాయి. దేవ్ ధారి పటీ సమీపంలో ఈ ప్రమాదం జరిగింది. సమీప ఆలయంలో దర్శనం చేసుకుని మరో ఆలయానికి చేరుకునే క్రమంలో వారు ప్రయాణిస్తున్న కారు అదుపుతప్పి రోడ్డు పక్కన ఉన్న చెట్టును బలంగా ఢీకొట్టింది. ఈ ప్రమాదంలో కారులోని ఐదుగురు భక్తులు అక్కడికక్కడే మృతి చెందారు. ఓ మహిళకు తీవ్ర గాయాలయ్యాయి.

సోలాపూర్- పూణె జాతీయ రహదారిపై ఘోర రోడ్డు ప్రమాదం జరిగింది. భక్తులతో వెళ్తున్న ఓ కారు ఓవర్ స్పీడ్ కారణంగా అదుపుతప్పి రోడ్డు పక్కన ఉన్న చెట్టును ఢీ కొట్టింది. ఈ ప్రమాదంలో కారులోని ఐదుగురు భక్తులు అక్కడికక్కడే ప్రాణాలు కోల్పోయారు. కారులోని ఓ మహిళకు తీవ్ర గాయాలయ్యాయి. భక్తులంతా పాన్వెల్ నుంచి అక్కల్ కోట్ కు దర్శనానికి వెళ్తుండగా ఈ ప్రమాదం జరిగింది. శనివారం డిసెంబర్ 18న అర్ధరాత్రి సమయంలో ఈ ఘటన జరిగింది.

భక్తులు ప్రయాణిస్తున్న కారు దేవ్ ధారి పాటి లోని మోహోల్ ప్రాంతం సమీపంలోకి రాగానే డ్రైవర్ కంట్రోల్ తప్పాడు. ఓవర్ స్పీడ్ కారణంగా రోడ్డు పక్కన ఉన్న చెట్టును బలంగా ఢీ కొట్టింది. ఈ ఘటనలో కారు ముందుభాగం నుజ్జునుజ్జు అయింది. కారులోని ఐదుగురు భక్తులు అక్కడికక్కడే మృతి చెందారు. ఓ మహిళకు తీవ్ర గాయాలయ్యాయి. దీంతో ప్రస్తుతం ఆమె మోహోల్ లోని ప్రభుత్వ ఆస్పత్రిలో చికిత్స పొందుతోంది. ఇక ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ప్రస్తుతం బాధిత కుటుంబాలను గుర్తించే పనిలో నిమగ్నమయ్యారు.

అయితే ఈ రోడ్డు ప్రమాదానికి ప్రధాన కారణం అతివేగం అని పోలీసులు ప్రాథమిక దర్యాప్తులో తేల్చారు. ఓవర్ స్పీడ్ కారణంగా కారు అదుపుతప్పి రోడ్డు పక్కన ఉన్న చెట్టును బలంగా ఢీ కొట్టినట్లు నిర్దారించారు. ఈ మేరకు అధికారులు వాహనదారులను అప్రమత్తం చేస్తున్నారు. ముఖ్యంగా రాత్రి సమయాల్లో హైవేలపై ప్రయాణం చేసేటప్పుడు జాగ్రత్తగా వెళ్లాలని సూచనలు చేస్తున్నారు.