2,000 కి. మీ రేంజ్ మిస్సైల్- దీని దెబ్బకు పాకిస్తాన్ లోని సిటీలు లేచిపోతాయ్

అత్యాధునిక ఇంటర్మీడియట్ రేంజ్ అగ్నిప్రైమ్ క్షిపణిని రక్షణ మంత్రిత్వ శాఖ విజయవంతంగా పరీక్షించింది. రైలు ఆధారిత మొబైల్ లాంచర్ సిస్టమ్ నుండి దీన్ని సంధించింది. ఇలాంటి మిస్సైల్ ను డెవలప్ చేయడం ఇదే మొదటిసారి. ఇప్పటివరకు రైలు ఆధారిత మొబైల్ లాంచర్ సిస్టమ్, మిస్సైల్.. దేశ అమ్ములపొదిలో లేవు. ఈ ప్రయోగం విజయవంతం కావడంతో.. వ్యూహాత్మక రక్షణ సామర్థ్యాలలో ఓ కీలక సాంకేతిక మైలురాయిని అందుకున్నట్టయింది.

రక్షణ మంత్రిత్వ శాఖ ఆధీనంలోని డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్, స్ట్రాటజిక్ ఫోర్సెస్ కమాండ్.. సంయుక్తంగా ఈ అగ్ని ప్రైమ్ మిస్సైల్ ను అభివృద్ధి చేశాయి. ప్రత్యేకంగా రూపొందించిన రైలు బేస్డ్ మొబైల్ ప్లాట్‌ఫామ్ నుండి ఈ ప్రయోగాన్ని నిర్వహివంచారు. అవసరం వచ్చినప్పుడు అగ్ని ప్రైమ్ మిస్సైల్ ను దేశంలో ఉన్న అన్ని రైల్వే నెట్‌వర్క్‌ల పరిధిలో ఉన్న ప్లాట్ ఫామ్ లను ముందస్తు అనుమతి లేకుండా కేంద్రం వినియోగించుకోగలదు.

శత్రువులతో తలపడాల్సి వచ్చినప్పుడు లేదా అత్యవసర పరిస్థితుల్లో వేగంగా స్పందించేలా, దగ్గర్లో ఉన్న ఏ రైల్వే స్టేషన్ ప్లాట్ ఫామ్ నుంచి అయినా లేదా.. కదులుతున్న రైలు నుంచి అయినా సరే.. ఈ అగ్ని ప్రైమ్ క్షిపణిని ప్రయోగించవచ్చు. ఈ ఇంటర్మీడియట్ మిస్సైల్ రేంజ్.. 2,000 కిలోమీటర్లు. ఇన్ని కిలోమీటర్ల పరిధిలో గల లక్ష్యాలను ఈ క్షిపణి వందశాతం ఖచ్చితత్వంతో ఛేదించగలుగుతుంది.

India has carried out the successful launch of Intermediate Range Agni-Prime Missile from a Rail based Mobile launcher system. This next generation missile is designed to cover a range up to 2000 km and is equipped with various advanced features.

The first-of-its-kind launch… pic.twitter.com/00GpGSNOeE

— Rajnath Singh (@rajnathsingh) September 25, 2025

ఈ ప్రయోగం విజయవంతమైనందుకు రక్షణ శాఖ మంత్రి రాజ్‌నాథ్ సింగ్ స్పందించారు. డీఆర్డీఓ, ఎస్ఎఫ్సీ, సాయుధ బలగాలను అభినందించారు. దేశం మొట్టమొదటి ఇంటర్మీడియట్ రేంజ్ అగ్ని-ప్రైమ్ క్షిపణిని రైల్ ఆధారిత మొబైల్ లాంచర్ సిస్టమ్ నుండి విజయవంతంగా ప్రయోగించామని తెలిపారు. ఈ నెక్స్ట్ జెన్ క్షిపణిని 2000 కిలో మీటర్ల వరకు లక్ష్యాన్ని ఛేదించడానికి రూపొందించామని వివరించారు. ప్రత్యేకంగా రూపొందించిన రైల్ ఆధారిత మొబైల్ లాంచర్ నుండి చేపట్టిన మొట్టమొదటి ప్రయోగంగా అభివర్ణించారు.

English summary

India, carried out the successful launch of its next-generation Intermediate Range Agni-Prime Missile from a Rail-based Mobile Launcher system, marking a significant technological milestone in the country’s strategic capabilities.