దొంగబాబా సెక్స్ రాకెట్! రాజకీయ నాయకులు, అధికారులకు అమ్మాయిల సరఫరా!

అత్యాచారం కేసులో అరెస్టయిన నకిలీబాబా సియారామ్ దాస్ కేసులో... మరికొన్ని నిజాలు బయటికొచ్చాయి. పోలీసులు తీగలాగితే బాబా కీచకపర్వమంతా డొంకలా కదులుతోంది.

న్యూఢిల్లీ: అత్యాచారం కేసులో అరెస్టయిన నకిలీబాబా సియారామ్ దాస్ కేసులో... మరికొన్ని నిజాలు బయటికొచ్చాయి. పోలీసులు తీగలాగితే బాబా కీచకపర్వమంతా డొంకలా కదులుతోంది. సియారామ్ దాస్ తన ఆశ్రమంలో నడుపుతున్న బాలికల పాఠశాలను కూడా తన సెక్స్ రాకెట్ కోసం వినియోగించుకున్నట్టు ఆరోపణలు ఎదుర్కొంటున్నాడు.

అతడి పాఠశాలలో చదువుకుంటున్న విద్యార్థినులపై కూడా నిత్యం అత్యాచారాలు జరిగినట్టు ఇటీవల అతడి చెర నుంచి బయటపడిన బాధితురాలు ఆరోపించింది. అంతేకాదు.. సియారామ్ బాబా బాలికలను రాజకీయ నాయకులు, ఉన్నతాధికారులకు కూడా సరఫరా చేసేవాడని పేర్కొంది.

గత ఎనిమిది నెలలుగా ఓ యువతిని చెరబట్టి అత్యాచారం చేసిన కేసులో సియారామ్ బాబా అరెస్టయిన సంగతి తెలిసిందే. ఆమె ఎలాగోలా బాబా మొబైల్ ఫోన్ చేజిక్కించుకుని ఆశ్రమం నుంచి పోలీసులకు ఫోన్ చేయడంతో అతడి దారుణాలన్నీ వెలుగులోకి వస్తున్నాయి.

ఈ నకిలీబాబాపై అత్యాచారం కేసు నమోదు చేసి విచారణ చేపట్టినట్టు యూపీలోని సీతాపూర్ పోలీసులు వెల్లడించారు. అయితే తనపై ఆరోపణలు గుప్పిస్తున్న యువతితో తనకు ఎలాంటి సంబంధం లేదనీ.. అసలు తానెప్పుడూ ఆమెను చూడలేదని సియారామ్ పేర్కొనడం గమనార్హం.

English summary

Baba Siya Ram Das has also been accused of running a sex racket through a girls’ school owned by him. The victim has alleged that the students of the school were not only raped, but also supplied to politicians and bureaucrats. The Sitapur police have filed a rape case against the fake godman and initiated a probe into other allegations against him. The self-proclaimed godman has, however, denied all allegations, and claimed to have never met the victim in the past.