సెప్టెంబర్ 5న బ్యాంకులు క్లోజ్..ఎందుకంటే..?
సెప్టెంబర్ నెల ప్రారంభం నుంచే సెలవుల పరంపర కొనసాగుతోంది. ఈ శుక్రవారం అంటే సెప్టెంబర్ 5న దేశవ్యాప్తంగా ఉన్న అన్ని బ్యాంకులకు సెలవు అని రిజర్వ్ బ్యాంక్ ఆఫ్ ఇండియా (RBI) ప్రకటించింది. ఈ సెలవుకు ప్రధాన కారణం రెండు ముఖ్యమైన పండుగలు ఒకే రోజు రావడం: ఈద్ మిలాద్ ఉన్ నబీ మరియు ఓనం.
సాధారణంగా ప్రతి ఆదివారం , రెండో, నాలుగో శనివారాల్లో బ్యాంకులకు సెలవు ఉంటుంది. ఈ నెలలో సెప్టెంబర్ 7, 14, 21, 28 ఆదివారాలు కాగా, 13, 27వ తేదీల్లో రెండో మరియు నాలుగో శనివారాలు వస్తున్నాయి. ఈ రోజులకు అదనంగా సెప్టెంబర్ 5న సెలవు రావడంతో ప్రజలు ముందుగానే తమ బ్యాంకు పనులను ప్లాన్ చేసుకోవడం అవసరం.
రెండు పండుగలు ఒకే రోజు:
ఈద్ మిలాద్ ఉన్ నబీ: ముస్లింలు ఈ రోజును ప్రవక్త మహమ్మద్ పుట్టినరోజుగా జరుపుకుంటారు. ఈ పండుగ సందర్భంగా దేశవ్యాప్తంగా బ్యాంకులు, పాఠశాలలకు సెలవు ఉంటుంది.
ఓనం: ఇది కేరళలో అత్యంత ముఖ్యమైన పండుగ. ఓనం వేడుకలు పది రోజుల పాటు వైభవంగా నిర్వహిస్తారు. ఈ పండుగ సందర్భంగా కూడా బ్యాంకులు బంద్ ఉంటాయి.
బ్యాంకు బ్రాంచ్లు మూసి ఉన్నప్పటికీ, ఖాతాదారులు ఆన్లైన్ బ్యాంకింగ్, నెట్ బ్యాంకింగ్, మొబైల్ బ్యాంకింగ్, మరియు ఏటీఎం సేవలను ఉపయోగించుకోవచ్చు. అయితే, పెద్ద మొత్తంలో నగదు విత్డ్రా చేయడానికి లేదా చెక్ క్లియరెన్స్ వంటి పనులకు నేరుగా బ్యాంక్కు వెళ్లాల్సి ఉంటుంది. కనుక, ముఖ్యమైన పనులు ఉన్నవారు ఈ సెలవులను దృష్టిలో ఉంచుకొని ముందుగానే ప్లాన్ చేసుకోవడం మంచిది.
Click it and Unblock the Notifications
Sign in with Google