రామేశ్వరం కేఫ్ రీ ఓపెన్ ఎప్పుడంటే, డేట్ ఫిక్స్, హోటల్ వ్యాపారంలో పోటీ ?, బాంబు ఎందుకంటే !

బెంగళూరులోని రామేశ్వరం కేఫ్ లో జరిగిన బాంబు పేలుళ్ల కేసులో ప్రధాన నిందితుడిని పట్టుకోవడానికి పోలీసు అధికారులు అనేక ప్రయత్నాలు చేస్తున్నారు. ఇప్పటికే ఈ కేసులో నలుగురు నిందితులను పోలీసులు పట్టుకున్నారు. వీకెండ్ ప్రారంభం కాకముందే బెంగళూరు నగరంలో పట్టపగలు జరిగిన బాంబు పేలుడు అందరి దృష్టిని బెంగళూరు వైపు మళ్లించింది.

రామేశ్వరం కేఫ్ బాంబు పేలుడు ప్రధాన నిందితుడి ఆచూకీ కోసం పోలీసులు, దర్యాప్తు సంస్థలు గాలిస్తున్నాయి. ఈ కేసులో నలుగురిని అరెస్టు చేశారు. ప్రధాన నిందితుడిని ఇంత వరకు అరెస్టు చేయలేదని పోలీసులు అంటున్నారు. దీని తరువాత, రామేశ్వరం కేఫ్ వ్యవస్థాపకుడు, ఆ సంస్థ సీఈవో రాఘవేంద్రరావు ఈ సంఘటనపై స్పందించారు. ఇది చాలా విషాదకరమైన సంఘటన అని విచారం వ్యక్తం చేశారు. రామేశ్వరం కేఫ్ మళ్లీ ఎప్పుడు ప్రారంభిస్తామనే విషయంలో రాఘవేంద్రరావు క్లారిటీ ఇచ్చారు.

మహాశివరాత్రి పండుగ రోజున రామేశ్వరం కేఫ్ ను పునఃప్రారంభం కానుందని ఆ సంస్థల సీఈవో రాఘవేంద్రరావు అన్నారు. ఈ సంఘటన శుక్రవారం జరిగిందని, రామేశ్వరం కేఫ్ వచ్చే శుక్రవారం శివరాత్రికి పునర్జన్మ పొందుతుందని రాఘవేంద్రరావు మీడియాకు చెప్పారు. మేము ఈ సవాలుతో కూడిన పరిస్థితిని ఎదుర్కొంటున్నప్పుడు మాకు మద్దతుగా నిలిచిన పోలీసు అధికారులకు మా హృదయపూర్వక కృతజ్ఞతలు తెలియజేస్తున్నామని అన్నారు.

మా స్ఫూర్తిని ఏ శక్తి తగ్గించలేదని, దురదృష్టకర సంఘటన జరిగిన వారంలోగా మా బ్రూక్‌ఫీల్డ్ అవుట్‌లెట్‌ను తిరిగి తెరవాలని మేము నిర్ణయించుకున్నామని రాఘవేంద్రరావు చెప్పారు, అంటే మేము మార్చి 8వ తేదీ శుక్రవారం మహాశివరాత్రి పవిత్రమైన రోజున తిరిగి రామేశ్వరం కేఫ్ తెరవబడుతుందని రాఘవేంద్రరావు మీడియాకు చెప్పారు. 2012లో కుమారపార్క్ సమీపంలో రామేశ్వరం కేఫ్ స్థాపించబడినప్పటి నుండి దాని సుదీర్ఘ ఉనికిని నొక్కిచెప్పిన రాఘవేంద్రరావు బాంబు దాడుల వెనుక వ్యాపార సంబంధిత పగ లేదని ఆయన కొట్టిపారేశారు.

హోటల్ వ్యాపారులు ఇలా ప్రవర్తించరు అని ఆయన ధృవీకరించారు. అనుమానాస్పద వస్తువులు కనిపిస్తే వెంటనే అధికారులకు సమాచారం అందిస్తామని, గత నవంబరులో బసవేశ్వర్ నగర్ బ్రాంచిలో అనుమానాస్పదంగా బ్యాగ్ దొరికిందని, వెంటనే మా సిబ్బంది పోలీసుల దృష్టికి తీసుకెళ్లినట్లు కూడా రాఘవేంద్రరావు తెలిపారు. రామేశ్వరం కేఫ్ బ్రూక్‌ఫీల్డ్ అవుట్‌లెట్ ప్రారంభించి 15 నెలలు అయ్యిందని రాఘవేంద్రరావు అన్నారు.

రామేశ్వరం కేఫ్ బెంగళూరులోని ఇందిరానగర్, జేపీ నగర్, రాజాజీనగర్‌తో సహా మరో మూడు ప్రదేశాలలో దాని శాఖలను కలిగి ఉంది. పేలుడు జరిగిన రోజున, బ్రూక్‌ఫీల్డ్ అవుట్‌లెట్‌లో 150 మంది ఉద్యోగులు ఉన్నారని సహ వ్యవస్థాపకుడు దివ్యా రావు తెలిపారు. గత శుక్రవారం మధ్యాహ్నం బెంగళూరులోని రద్దీగా ఉండే రామేశ్వరం కేఫ్ రెస్టారెంట్‌లో బాంబు పేలడంతో తొమ్మిది మంది గాయపడ్డారు. ఈ పేలుడు ఘటనకు సంబంధించి బెంగళూరు సెంట్రల్ క్రైమ్ బ్రాంచ్ శనివారం నలుగురిని అరెస్టు చేసింది. ప్రధాన నిందితుడి ఆచూకీ కోసం పక్కా సమాచారం అందిందని, వీలైనంత త్వరగా నిందితులను పట్టుకుంటామని బెంగళూరు పోలీసులు తెలిపారు.

English summary

The owner of the hotel says that Rameswaram Cafe will reopen on Shivaratri festival. Bengaluru Police are on the hunt for the prime suspect in the Rameswaram Cafe blast case.