మోదీ మార్క్ రాజకీయం, ఎన్నికల టైమ్ లో కొడుక్కి పదవి, అప్ప దెబ్బకు అందరికి మైండ్ బ్లాక్!

బెంగళూరు: బీజేపీ కర్ణాటక రాష్ట్ర శాఖ అధ్యక్షుడిగా మాజీ ముఖ్యమంత్రి బీఎస్ యడ్యూరప్ప కుమారుడు, శికారిపుర ఎమ్మెల్యే బీవై విజయేంద్రను బీజేపీ హైకమాండ్ శుక్రవారం నియమించింది. ఈ మేరకు కర్ణాటక బీజేపీ రాష్ట్ర అధ్యక్షుడిగా విజయేంద్రను నియమిస్తూ బీజేపీ జాతీయ అధ్యక్షుడు జేపీ నడ్డా ఉత్తర్వులు జారీ చేశారు. బీజేపీ కర్ణాటక కొత్త రాష్ట్ర అధ్యక్షుడిని ఎన్నుకోవడం ద్వారా బీజేపీ హైకమాండ్ బీవై విజయేంద్రకు దీపావళి కానుక ఇచ్చింది.

అసెంబ్లీ ఎన్నికల్లో ఘోర పరాజయం పాలుకావడంతో బీజేపీ కర్ణాటక రాష్ట్ర అధ్యక్షుడిగా ఉన్న నళిన్‌కుమార్‌ కటీల్‌పై బీజేపీ నేతలు బహిరంగంగానే అసంతృప్తి వ్యక్తం చేయడంతో పాటు రాష్ట్ర అధ్యక్షుడి మార్చాలని డిమాండ్ చేశారు. దెబ్బకు నళిన్ కుమార్ కటీల్ ఆయన పదవికి రాజీనామా చేశారు. 2024 లోక్‌సభ ఎన్నికల్లో కర్ణాటకలో ఎక్కువ సీట్లు గెలవడం బీజేపీకి అనివార్యం అయ్యింది.

బీజేపీకి బీఎస్ యడ్యూరప్ప అనివార్యత చాలా ముఖ్యం. ఇలా యడ్యూరప్పను పార్టీలోనూ, లోక్‌సభ ఎన్నికల్లోనూ మరింతగా ఉపయోగించుకోవాలని బీజేపీ హైకమాండ్ నిర్ణయించింది. మాజీ సీఎం యడ్యూరప్ప తనయుడు బీవై విజయేంద్రకు బీజేపీ హైకమాండ్ రాష్ట్ర అధ్యక్ష బాధ్యతలు అప్పగించింది. హైకమాండ్. 2023 అసెంబ్లీ ఎన్నికలకు ముందు బీఎస్‌ యడ్యూరప్పను ముఖ్యమంత్రి పదవి నుంచి దించేసింది.

బీజేపీ హైకమాండ్ తీసుకున్న నిర్ణయంతో ఆ పార్టీకి అసెంబ్లీ ఎన్నికల్లో ఎదురుదెబ్బ అని మెజారిటీ బీజేపీ నేతలు అసంతృప్తి వ్యక్తం చేశారు. అలాగే అసెంబ్లీ ఎన్నికల సమయంలో కూడా యడ్యూరప్ప తన తోటి పార్టీ కార్యక్రమాలను పట్టించుకోలేదని పుకార్లు వచ్చాయి. లోక్ సభ ఎన్నికల్లోనూ అలాంటి పరిస్థితి ఏర్పడవచ్చని బీజేపీ హైకమాండ్ అధినేతలు లెక్కలు వేసినట్లు తెలిసింది.

మాజీ సీఎం బీఎస్ యడ్యూరప్ప అసంతృప్తిని బుజ్జగించేందుకు యడ్యూరప్ప తనయుడు విజయేంద్రకు బీజేపీ హైకమాండ్ కర్ణాటక రాష్ట్ర అధ్యక్ష పదవి కట్టబెట్టినట్లు సమాచారం. అయితే అసెంబ్లీ ఎన్నికల సమయంలో కొందరు లింగాయత్ నేతలకు టిక్కెట్లు దక్కకపోవడంతో రాష్ట్ర రాజకీయాల్లో లింగాయత్‌లు నిర్లక్ష్యానికి గురయ్యారనే ప్రచారం జరుగుతోంది.

దీంతో బీజేపీ అసెంబ్లీ ఎన్నికల్లో ఓటమి చవిచూడాల్సి వచ్చిందని గుసగుసలు వినిపించాయి. 2024 లోక్ సభ ఎన్నికల్లో ఇలాంటి పరిస్థితి పునరావృతం కాకూడదని బీజేపీ హైకమాండ్ నిర్ణయించిందని, లింగాయత్ వర్గాలను ఆకర్షించే ప్రయత్నాల్లో భాగంగానే బీజేపీ హైకమాండ్ ఈ నిర్ణయం తీసుకుందని అంటున్నారు. యువత నాయకత్వంపై హైకమాండ్ ఆసక్తి కనబరుస్తూ విజయేంద్రకు ఆ పదవి కట్టబెట్టింది.

అలాగే బీజేపీ యువమోర్చాలో ఉన్న నెట్‌వర్క్‌ను ఉపయోగించుకుని వచ్చే లోక్‌సభ ఎన్నికల్లో మాజీ సీఎం యడ్యూరప్పను పూర్తి స్థాయిలో బరిలోకి దింపే ప్రయత్నంలో భాగంగానే విజయేంద్రకు బీజేపీ కర్ణాటక రాష్ట్ర అధ్యక్ష పదవి అప్పగించారని తెలిసింది. బీజేపీ కర్ణాటక రాష్ట్ర అధ్యక్ష పదవి కోసం చాలా మంది పోటీ పడినా చివరికి యడియూరప్ప కుమారుడు విజయేంద్ర ఆ పదవిని తన్నుకుపోయారు.

English summary

BS Yeddyurappa's son BY Vijayendra has been appointed as the BJP Karnataka state president.