Budget 2026: కేంద్ర బడ్జెట్ లో మోదీ మార్క్, టార్గెట్ ఫిక్స్..!!

కేంద్ర బడ్జెట్ 2026-27ను ఆర్దిక మంత్రి నిర్మలా సీతారామన్ పార్లమెంట్ లో ప్రవేశ పెట్టారు. ఈ సారి బడ్జెట్ లో పాలనా పరంగా.. రాజకీయంగా పక్కా వ్యూహాత్మకంగా వ్యవహరించారు. త్వరలో జరిగే అయిదు రాష్ట్రాల ఎన్నికలను పరిగణలోకి తీసుకొని కేటాయింపులు చేసారు. అదే విధంగా ప్రాధాన్యత రంగాలకు కేటాయింపులు పెంచారు. రూ.53.47 లక్షల కోట్లతో యూనియన్ బడ్జెట్​ను ప్రవేశపెట్టారు. ఈ సారి దక్షిణాది రాష్ట్రాలకు ప్రాధాన్యత ఇచ్చారు. అదే సమయంలో ఎన్నికలు జరిగే రాష్ట్రాలకు కొత్త ప్రాజెక్టులను ప్రకటించారు. ప్రధాని మోదీ మార్క్ తో రూపకల్పన చేసిన ఈ బడ్జెట్ లక్ష్యంగా స్పష్టంగా కనిపిస్తోంది.

నిర్మలా సీతారామన్ 9వ సారి బడ్జెట్ ను ప్రవేశ పెట్టారు. ప్రాధాన్యత రంగాలకు కేటాయింపులు ప్రకటించారు. మొత్తం బడ్జెట్‌ పరిమాణం - రూ.53.47 లక్షల కోట్లు కాగా, రెవెన్యూ లోటు - రూ.5,92,344 కోట్లు.. అదే విధంగా ద్రవ్య లోటు - రూ.16,95,768 కోట్లుగా తేల్చారు. ఇక, రంగాల వారీగా కేటాయింపులు చూస్తే.. రవాణా రంగం - రూ.5,98,520 కోట్లు, రక్షణ రంగం - రూ.5,94,585 కోట్లు, గ్రామీణాభివృద్ధి రంగం - రూ.2,73,108 కోట్లు, హోంశాఖ కార్య కలా పాలు - రూ.2,55,234 కోట్లు, వ్యవసాయ అనుబంధ రంగాలు - రూ.1,62,671 కోట్లు, విద్య రంగం - రూ.1,39,289 కోట్లు, ఇంధన రంగం - రూ.1,09,029 కోట్లు, వైద్య, ఆరోగ్యం - రూ.1,04,599 కోట్లు, పట్టణాభివృద్ధి - రూ.85,522 కోట్లు, ఐటీ, టెలికాం - రూ.74,560 కోట్లు, వాణిజ్యం, పరిశ్రమలు - రూ.70,296 కోట్లు, సాంఘిక సంక్షేమం - రూ.62,362 కోట్లు, శాస్త్ర సాంకేతిక రంగాలకు - రూ.55,756 కోట్లు కేటాయించారు.

శాఖల వారీగా కేటాయింపులు

అదే విధంగా పన్ను నిర్వహణ - రూ.45,500 కోట్లు, ఆర్థిక నిర్వహణ - రూ.20,649 కోట్లు, ఈశాన్య రాష్ట్రాల అభివృద్ధి - రూ.6,812 కోట్లు ప్రతిపాదించారు. ఆరు కీలక రంగాల్లో సంస్కరణ లు తీసుకొస్తున్నట్లు నిర్మలా సీతారామన్ వెల్లడించారు. రూ.10వేల కోట్లతో వచ్చే ఐదేళ్లకు బయోఫార్మా శక్తి పథకం తీసుకొస్తామన్నారు. ఫార్మా విద్య, పరిశోధనకు జాతీయ స్థాయిలో 3 కొత్త విద్యాసంస్థలు ఏర్పాటు చేస్తామని చెప్పారు. దేశ సెమీ కండక్టర్‌ రంగం వృద్ధి కోసం ఇండియా సెమీకండక్టర్‌ మిషన్ 2.0 ప్రారంభిస్తామని చెప్పిన నిర్మలా సీతారామన్... ఇందుకోసం రూ.40వేల కోట్లు కేటాయిస్తున్నట్లు పేర్కొన్నారు.

రేర్ ఎర్త్ మినరల్స్ కోసం ఏపీ సహా 4 రాష్ట్రాల్లో ప్రత్యేక కార్యక్రమం చేపడతామని చెప్పారు. ఆంధ్రప్రదేశ్, ఒడిశా, కేరళ, తమిళనాడు కోసం ప్రత్యేక మైనింగ్ మిషన్ చేపడతామని ప్రకటించారు. తెలుగు రాష్ట్రాల మీదుగా ఏడు నగరాల మధ్య హైస్పీడ్‌ కారిడార్లు ప్రకటించారు. కొత్తగా డిడికేటెడ్​ ఫ్లైట్​ కారిడార్​ ఏర్పాటు చేస్తాని నిర్మలా సీతారామన్ చెప్పారు. న్యూ ఇన్ కం టాక్స్ యాక్ట్​ -2025 ఏప్రిల్​ 1 నుంచి అమలులోకి వస్తుందని ఆర్థిక మంత్రి పేర్కొన్నారు.

English summary

Union Budget 2026-27 outlines India's economic priorities for the coming financial year, with a focus on growth, stability and inclusive growth