నామినేషన్ వేసేందుకు దున్నపోతుపై వచ్చాడు!
పాట్నా: ఎన్నికల సమయంలో ఓటర్లను ఆకర్షించేందుకు రాజకీయ నాయకులు ఎన్నో వేషాలు వేస్తుంటారు. తాజాగా బీహార్ రాష్ట్రంలోనూ ఇలాంటి ఘటనే చోటు చేసుకుంది. ఓ ఎమ్మెల్యే అభ్యర్థి ఏకంగా దున్నపోతుపై ఎక్కి వచ్చాడు.
బిహార్లో శాసనసభ ఎన్నికల ప్రక్రియ ఇప్పటికే మొదలైన సంగతి తెలిసిందే. ఈ ఎన్నికల్లో స్వతంత్య్ర అభ్యర్థిగా బరిలోకి దిగిన మనోజ్ యాదవ్ నామినేషన్ వేయడానికి కలెక్టరేట్కి ఏకంగా దున్నపోతుపై ఊరేగుతూ వచ్చారు.
అయితే, సరిగ్గా అక్కడికి వచ్చాక ఆ దున్నపోతు అక్కడ ఉన్న జనాన్ని చూసి బెదిరిపోయింది. కొంత గందరగోళం కూడా సృష్టించింది. దీంతో మనోజ్యాదవ్ దాని మీద నుంచి ఎలాగోలా కిందపడకుండా జాగ్రత్తగా దిగారు.
తమ నేతకు ఎలాంటి ప్రమాదం జరగకపోవడంతో అతని అభిమానులు, కార్యకర్తలు ఊపిరి పీల్చుకున్నారు. ఆ తర్వాత తన నామినేషన్ ప్రక్రియను పూర్తి చేశారు మనోజ్ యాదవ్.
Click it and Unblock the Notifications
Sign in with Google