పోర్న్ వెబ్సైట్ల నిషేధానికి చర్యలు: సుప్రీంకు కేంద్రం
న్యూఢిల్లీ: అశ్లీల చిత్రాలకు సంబంధించిన (పోర్న్)వెబ్సైట్లను నిషేధించేందుకు అవసరమైన అన్ని చర్యలను చేపడతామని కేంద్రప్ర భుత్వం బుధవారం సుప్రీంకోర్టుకు హామీ ఇచ్చింది. ముఖ్యంగా చిన్నపిల్లలతో ముడిపడి ఉన్న ఈ తరహా వెబ్సైట్ల విషయంలో కచ్చితంగా వ్యవహరిస్తామని చెప్పింది.
చీఫ్ జస్టిస్ హెచ్ఎల్ దత్తు సారథ్యంలోని ధర్మాసనం ఈ అంశంపై తీవ్ర అసంతృప్తి వ్యక్తం చేసింది. ఇంతవరకూ ప్రభుత్వం ఈ తరహా వెబ్సైట్లపై నిషేధానికి ఎలాంటి చర్యలూ చేపట్టలేదని ధర్మాసనం పేర్కొంది. పిటిషనరు ఇదే విషయంపై పదేపదే పలు అభ్యర్థనలు చేస్తున్నారంది.
ఇక ఎన్నారైలకు ఓటు హక్కుపై ముసాయిదా బిల్లులో మరిన్ని మార్పులు చేస్తామని ప్రభుత్వం మరో కేసులో వివరణ ఇచ్చింది. దేశంలోని ఇతర ప్రాంతాలకు వలస వెళ్లినవారికి స్వస్థలంలో ఓటు వినియోగించుకునే అవకాశంపై దృష్టి సారిస్తామని హామీ ఇచ్చింది.
Click it and Unblock the Notifications
Sign in with Google