చిన్నారి చీతాల గర్జన.. జ్వాలా ప్రసవంతో ఏడు దశాబ్దాల తర్వాత హఫ్ సెంచరీ

భారతదేశ వన్యప్రాణి సంరక్షణ చరిత్రలో మరో అద్భుత ఘట్టం ఆవిష్కృతమైంది. దేశ గడ్డపై పరుగు తీస్తున్న చీతాల కుటుంబం ఇప్పుడు 'అర్ధసెంచరీ' మార్కును దాటేసింది. కూనో నేషనల్ పార్క్‌లో నమీబియా చీతా 'జ్వాల' ఐదు పసికూనలకు జన్మనివ్వడంతో భారత్ తన చీతా పునరుద్ధరణ లక్ష్యంలో మరో మైలురాయిని చేరుకుంది.

భారతదేశ ప్రతిష్టాత్మక 'ప్రాజెక్ట్ చీతా' సరికొత్త రికార్డును సృష్టించింది. మధ్యప్రదేశ్‌లోని కూనో నేషనల్ పార్క్‌లో నమీబియా నుంచి వచ్చిన 'జ్వాల' అనే చీతా సోమవారం ఐదు ఆరోగ్యకరమైన కూనలకు జన్మనిచ్చింది. ఈ కొత్త అతిథుల రాకతో దేశంలో మొత్తం చీతాల సంఖ్య 53కు చేరుకుంది. కేంద్ర పర్యావరణ శాఖ మంత్రి భూపేందర్ యాదవ్ ఈ సంతోషకరమైన వార్తను సోషల్ మీడియా వేదికగా పంచుకుంటూ, ఇది వన్యప్రాణి సంరక్షణలో ఒక చారిత్రక ఘట్టమని అభివర్ణించారు.

భారత గడ్డపై పెరుగుతున్న సంతతి..

ప్రస్తుతం ఉన్న 53 చీతాలతో.. 50 కూనో నేషనల్ పార్క్‌లో ఉండగా, మరో మూడు మధ్యప్రదేశ్‌లోని గాంధీ సాగర్ అభయారణ్యంలో సంరక్షణలో ఉన్నాయి. విశేషమేమిటంటే, భారత్‌లో పుట్టి పెరుగుతున్న చీతా కూనల సంఖ్య ఇప్పుడు 33కు పెరిగింది. ఇది భారత గడ్డపై 10వ విజయవంతమైన సంతానోత్పత్తి కాగా, 'జ్వాల' మూడోసారి పిల్లలకు జన్మనిచ్చి తన ప్రత్యేకతను చాటుకుంది. "చిరుతల సంఖ్య అర్ధశతకం దాటడం ప్రాజెక్ట్ చీతాకు గర్వకారణం" అని మంత్రి భూపేందర్ యాదవ్ కొనియాడారు.

సంరక్షకుల కృషికి దక్కిన ఫలితం

ఈ అద్భుత విజయం వెనుక పశువైద్యులు, క్షేత్రస్థాయి సిబ్బంది అంకితభావం దాగి ఉంది. 1952లో దేశంలో అంతరించిపోయిన చీతాలను తిరిగి ప్రవేశపెట్టేందుకు 2022 సెప్టెంబర్ 17న ప్రపంచంలోనే తొలి ఖండాంతర చీతా రవాణా ప్రాజెక్టును ప్రభుత్వం ప్రారంభించింది. ఆ ప్రయాణం నేడు 53 జీవాల స్థాయికి చేరుకోవడం విశేషం. గత ఫిబ్రవరిలో బొట్స్‌వానా నుండి మరో 9 చీతాలను తీసుకువచ్చి కూనోలో వదలడంతో ఈ ప్రాజెక్టు మరింత వేగం పుంజుకుంది.

జ్వాలతో పాటు.. పుట్టిన ఐదు కూనలు క్షేమంగా ఉన్నాయని, ఇవి భారతదేశ చీతాల పునరుద్ధరణ కథను ప్రపంచవ్యాప్తంగా సరికొత్త ఎత్తులకు తీసుకెళ్తాయని అటవీ అధికారులు ఆశాభావం వ్యక్తం చేస్తున్నారు.

Cheetahs cross half-century 🐆

A moment of great pride for Project Cheetah as Jwala, the Namibian Cheetah and a successful third-time mother, gave birth to five cubs today at the Kuno National Park.

With this birth, the number of Indian-born thriving cubs has risen to 33,… pic.twitter.com/tzxYYmLPtM

— Bhupender Yadav (@byadavbjp) March 9, 2026

English summary

India's Project Cheetah achieves a major milestone as the total population reaches 53. Namibian Cheetah 'Jwala' gave birth to five cubs in Kuno National Park, marking the 10th successful breeding on Indian soil. Union Minister Bhupender Yadav hailed this as a historic moment for wildlife conservation,