పాకిస్తాన్ జిందాబాద్ అంటూ స్టేటస్ లు, భారత్ లో కాలేజ్ స్టూడెంట్స్ నిర్వాకం !

ముబాయి/ఇస్తామాబాద్: భారతదేశంలో స్వాతంత్ర్య దినోత్సవం వేడుకలను గర్వంగా జరుపుకున్నారు. ఇలాంటి పరిస్థితిలో కొందరు మూర్ఖులు దేశ ప్రజలను నొప్పించేలా పని చేస్తున్నారు. ఇలా పాకిస్థాన్ స్వాతంత్ర్య దినోత్సవాన్ని పురస్కరించుకుని తమ సోషల్ నెట్ వర్క్ లో ఓ వీడియో పోస్ట్ చేసి కటకటాలపాలయ్యారు.

భారతదేశ స్వాతంత్ర్య దినోత్సవానికి ఒక్కరోజు ముందు, పాకిస్తాన్ స్వాతంత్ర్య దినోత్సవాన్ని జరుపుకుంటారు. భారతదేశంలో స్వాతంత్ర్య దినోత్సవం ఆగష్టు 15 న జరుపుకుంటారు, అయితే పాకిస్తాన్ స్వాతంత్ర్య దినోత్సవం ఆగష్టు 14 న జరుపుకుంటారు. ఈ విధంగా, పాకిస్తాన్ స్వాతంత్ర్య దినోత్సవ వేడుకల వీడియోను సోషల్ మీడియాలో పోస్ట్ చేసినందుకు ఇద్దరు కళాశాల విద్యార్థులను అరెస్టు చేశారు.

ఈ నేపథ్యంలో ముంబాయి పోలీసులు ఇద్దరు వ్యక్తులను అరెస్ట్ చేశారు. కాలేజీ విద్యార్థి, చదువుకునే వయసులో అలాంటి పని చేస్తూ బారులు తీరాడు. అయితే ఇద్దరు విద్యార్థులను అరెస్టు చేసిన పోలీసులు, తరువాత వారికి వార్నింగ్‌ ఇచ్చి విడుదల చేశారు, వారిద్దరూ తమ సోషల్ మీడియా ఖాతా స్టేటస్‌లో పాకిస్తాన్ జెండా వీడియోను పోస్ట్ చేశారని పోలీసులు తెలిపారు.

ఇలాంటి ఘటనలు తరచూ సోషల్ మీడియాలో రిపోర్ట్ అవుతూనే ఉన్నాయి. అయితే స్వాతంత్య్ర దినోత్సవం రోజు కూడా అలాంటి ఘటనే జరగడంతో పరిస్థితి మరింత ఉధృతంగా మారుతుందని పోలీసు అధికారులు అంటున్నారు. సామాజిక సెంటిమెంట్‌ను దెబ్బతీసే అవకాశం ఉందని ముంబాయిలోని కొలాబాకు చెందిన ఓ వ్యాపారి పోలీసులకు ఫిర్యాదు చేసినట్లు తెలిసింది.

ఫిర్యాదు ఆధారంగా అరెస్ట్ చేసి వార్నింగ్ ఇచ్చి విడుదల చేశారు. అలాగే ఇద్దరి మొబైల్ ఫోన్‌లోని అభ్యంతరకర వీడియోను కూడా తొలగించినట్లు పోలీసులు తెలిపారు. ఈ సంఘటన సంచలనం సృష్టించింది, అయితే పరిస్థితిని సున్నితత్వాన్ని గ్రహించిన పోలీసులు యువకులకు వార్నింగ్ ఇచ్చి పంపించేశారు. అలాగే భవిష్యత్తులో ఇలాంటి పనులు చేయవద్దని ఇద్దరు కాలేజ్ విద్యార్థులకు గట్టి వార్నింగ్ కూడా ఇచ్చారు.

పాకిస్థాన్ స్వాతంత్ర్య దినోత్సవ వేడుకల నేపథ్యంలో ఇస్లామాబాద్‌లోని జిన్హా కన్వెన్షన్ సెంటర్‌లో జెండాను ఎగురవేసిన పాకిస్థాన్ అధ్యక్షుడు ఆరిఫ్ అల్వీ పాకిస్థాన్ స్నేహితులను గుర్తు చేసుకున్నారు. ఆర్థిక సంక్షోభంలో ఉన్న పాకిస్థాన్‌కు సహాయం చేసినందుకు చైనా, సౌదీ అరేబియా, అరబ్, ఇరాన్ మరియు టర్కీలకు పాక్ అధ్యక్షుడు అల్వీ కృతజ్ఞతలు తెలిపారు.

కొన్నేళ్లలో అభివృద్ధి చెందిన దేశాల సరసన పాకిస్థాన్ చేరుతుందని అల్వీ అన్నారు. దీని ద్వారా పాకిస్థాన్ చాలా క్లిష్ట పరిస్థితుల్లో డబ్బులు లేక ఇబ్బంది పడుతున్న విషయాన్ని కూడా ప్రస్తావించాడు. దీనితో పాటు, పాకిస్తాన్ స్వాతంత్ర్య దినోత్సవం రోజున పాకిస్తాన్ సామాజిక పరిస్థితి కూడా బట్టబయలైంది. మొత్తం మీద భారత్ లో కూడా పాకిస్తాన్ కు అనుకూలంగా ఉన్న వాళ్లు చాలా మంది ఉన్నారని అప్పుడప్పుడు వెలుగు చూస్తూనే ఉంది.

English summary

College students posted videos in WhatsApp status saying Zindabad to Pakistan