తగ్గేదే లే, నడుంలో రివాల్వర్ పెట్టుకుని ఓపెన్ టాప్ వాహనం ఎక్కి సీఎంకు సన్మానం, రౌడీరాజ్యం అని !

కర్ణాటకలో అధికారంలో ఉన్న సిద్దరామయ్య ప్రభుత్వానికి చుక్కలు చూపించాలనే ప్లాన్ తో లోక్ సభ ఎన్నికల్లో బీజేపీ-జేడీఎస్ పార్టీలు పొత్తు పెట్టుకుని పోటీ చేస్తున్నాయి. ఇప్పటికే కర్ణాటకలోని 28 లోక్ సభ నియోజక వర్గాల్లో బీజేపీ 25 చోట్ల, జేడీఎస్ మూడు చోట్ల పోటీ చెయ్యడానికి రంగం సిద్దం చేసుకుంది. ఎక్కువ సీట్లు కైవసం చేసుకోవాలని కర్ణాటకలోని కాంగ్రెస్ ప్రభుత్వం అనేక ప్రయత్నాలు చేస్తోంది.

లోక్‌సభ ఎన్నికల నేపథ్యం సీఎం సిద్ధరామయ్య ఏప్రిల్ 8వ తేదీ సోమవారం బెంగళూరు సౌత్ లోక్‌సభ నియోజకవర్గం నుంచి పోటీ చేస్తున్న కాంగ్రెస్ అభ్యర్థి సౌమ్యా రెడ్డి తరపున సీఎంతో పాటు కాంగ్రెస్ పార్టీ నాయకులు జయనగరతో పాటు ఆ నియోజక వర్గంలోని పలు ప్రాంతాల్లో పెద్ద ఎత్తున ఎన్నికల ప్రచారం చేశారు. లోక్ సభ ఎన్నికల ప్రచారం చేస్తుండగా ఓ వ్యక్తి తుపాకీని నడుంలో చెక్కుకుని సీఎం నిలబడి ఉన్న బహిరంగ వాహనంలోకి ఎక్కి సీఎం సిద్దరామయ్యతో పాటు ఎంపీ అభ్యర్థి సౌమ్యా రెడ్డికి పూలమాల వెయ్యడం కలకలం రేపింది.

ఎన్నికల ప్రచార వాహనంలో సీఎం సిద్దరామయ్యతో పాటు మంత్రి రామలింగా రెడ్డి, సౌమ్యా రెడ్డి తదితరులు ఉన్న సమయంలో నడుంలో తుపాకి పెట్టుకున్న వ్యక్తి ఆ వాహనం ఎక్కుతున్న సమయంలో తీసిన వీడియో సోషల్ మీడియాలో వైరల్ అవుతోంది. సీఎం సిద్దరామయ్య సమక్షంలోనే ఓ వ్యక్తి నడుంలో తుపాకి పెట్టుకుని ఓపెన్ టాప్ వాహనం మీదకు ఎక్కడంపై విమర్శలు వెల్లువెత్తుతున్నాయి. ఈ విషయంపై బీజేపీ ఘాటుగా స్పందించింది

బెంగళూరు సౌత్ లోక్‌సభ నియోజకవర్గంలో కాంగ్రెస్ అభ్యర్థి సౌమ్యా రెడ్డి తరపున సీఎం సిద్ధరామయ్య ఎన్నికల ప్రచారంలో పాల్గొంటుండగా ఈ ఘటన తీవ్ర కలకలం రేపింది. ఈ వీడియో ఇప్పుడు సోషల్ మీడియాలో చక్కర్లు కొడుతుండగా కర్ణాటకలో అధికారంలో ఉన్న కాంగ్రెస్ ప్రభుత్వంపై విపక్షాలు విరుచుకుపడుతున్నాయి. ముఖ్యమంత్రి సిద్దరామయ్యకు పూలమాల వేసి సన్మానించే వారు పోకిరీలు, రౌడీలు, వీధి గూండాలు అని మరోసారి రుజువు అయ్యిందని బీజేపీ ఆరోపించింది.

ಮುಖ್ಯಮಂತ್ರಿ @siddaramaiah ಅವರಿಗೆ ಹಾರ ಹಾಕುವವರು ಸನ್ಮಾನ ಮಾಡುವವರು ಗೂಂಡಾಗಳು, ರೌಡಿಗಳು, ಬೀದಿ ಪುಂಡರು ಎನ್ನುವುದು ಸಾಬೀತಾಗಿದೆ.

ಇಷ್ಟುದಿನ ಹುಟ್ಟುಹಬ್ಬದ ಫ್ಲೆಕ್ಸ್‌ಗಳಲ್ಲಿ ಕಾಣಿಸುತ್ತಿದ್ದ ಗನ್ ಹಿಡಿದ ರೌಡಿಗಳು, ಇದೀಗ ಸಿಎಂ, ಡಿಸಿಎಂ ಅವರ ರ್‍ಯಾಲಿಗಳಲ್ಲಿ ರಾಜಾರೋಷವಾಗಿ ಗನ್ ಹಿಡಿದು ಹಾರ ಹಾಕಿ ಸಮಾಜದ ಮುಂದೆ ಪೋಸ್… pic.twitter.com/r9paiEgw15

— BJP Karnataka (@BJP4Karnataka) April 8, 2024

ఇదే విషయాన్ని సోషల్ మీడియాలో కర్ణాటక బీజేపీ ట్వీట్ చేసింది. ఇంతకాలం బర్త్ డే ఫ్లెక్సీల్లో కనిపించిన తుపాకీ పట్టుకుంటున్న రౌడీలు ఇప్పుడు సీఎం, డీసీఎంల ర్యాలీల్లో, ఎన్నికల ప్రచారంలో బహిరంగంగా తుపాకులు పట్టుకుని పూలమాలలు వేసే స్థాయికి వచ్చేశారని, తుపాకులు పట్టుకుని పబ్లిక్ గా సొసైటీ ముందుకు వచ్చి ఫోజులిస్తున్నారని బీజేపీ ఆరోపించింది. ఎన్నికల ప్రవర్తనా నియమావళి అమలులో ఉన్నప్పటికీ ఆ ప్రాంతంలోని ఓటర్లను భయభ్రాంతులకు గురిచేసేందుకే కాంగ్రెస్ నాయకులు, రౌడీలు ఇలా నడుంలో తుపాకులు పట్టుకుని ఇలా ప్రదర్శిస్తున్నారని కాంగ్రెస్‌పై ప్రతిపక్ష పార్టీ బీజేపీ సోషల్ మీడియాలో విరుచుకుపడింది.

అయితే ఈ విషయంలో సీఎం సిద్దరామయ్యతో పాటు మంత్రి రామలింగా రెడ్డి, బెంగళూరు సౌత్ లోక్ సభ నియోజక వర్గం కాంగ్రెస్ అభ్యర్థి సౌమ్యా రెడ్డితో పాటు కాంగ్రెస్ నాయకులు ఎవ్వరూ స్పందించలేదు. మొత్తం మీద సీఎం సిద్దరామయ్య ఉన్న వాహనం మీదకు ఓ వ్యక్తి నడుంలో తుపాకి పెట్టుకుని వెళ్లి సీఎంకు స్వయంగా పూలహారం వెయ్యడం బెంగళూరులో కలకలం రేపింది. అతను తుపాకి పెట్టుకుని సీఎం, మంత్రి ఉన్న వాహనంలోకి ఎక్కుతుంటే పోలీసులు ఏం చేస్తున్నారని సామాన్య ప్రజలు ప్రశ్నిస్తున్నారు.

English summary

Congress leader who went with a revolver in his waist and garlanded CM Siddaramaiah