అప్పకు Z ప్లస్ సెక్యూరిటీ, వాళ్లతో ప్రాణహాని ఉందని సమాచారం, ఎక్కడెక్కడ !

బెంగళూరు-న్యూఢిల్లీ: బీజేపీ సీనియర్ నేత, కర్ణాటక మాజీ ముఖ్యమంత్రి బీఎస్ యడ్యూరప్పకు హోమ్ మంత్రిత్వ శాఖ (ఎంహెచ్‌ఏ) జెడ్ కేటగిరీతో సెంట్రల్ రిజర్వ్ పోలీస్ ఫోర్స్ (సీఆర్‌పీఎఫ్) భద్రతను కల్పించింది. మాజీ సీఎం బీఎస్ యడ్యూరప్పకు కర్ణాటకలో మాత్రమే భద్రత కల్పించనున్నారు. సెంట్రల్ రిజర్వ్ పోలీస్ ఫోర్స్ సిబ్బంది త్వరలో బీఎస్ యడియూరప్పకు కొత్త బాధ్యతలు చేపట్టనున్నారు.

మాజీ సీఎం బీఎస్ యడ్యూరప్పకు బెదిరింపులు వస్తున్నాయని సమాచారం తెలుసుకున్న ఇంటెలిజెన్స్ బ్యూరో హోమ్ మంత్రిత్వ శాఖకు నివేదిక పంపించింది. కర్ణాటకలో ఛాందసవాద గ్రూపుల నుంచి మాజీ సీఎం యడ్యూరప్పకు ముప్పు పొంచి ఉందని విశ్వసనీయ వర్గాల సమాచారం. సీఆర్పీఎఫ్ కమాండోలు మాజీ సీఎం బీఎస్ యడియూరప్ప కర్ణాటకలో ఉన్న సమయంలో రాష్ట్రవ్యాప్తంగా పర్యటించే సమయంలో బీజేపీ సీనియర్ నేతకు భద్రత కల్పిస్తారు.

మాజీ సీఎం బీఎస్ యడ్యూరప్పకు జెడ్‌ కేటగిరీ భద్రత కల్పించాలన్న ఎంహెచ్‌ఏ ఉత్తర్వులను సీఆర్‌పీఎఫ్‌కి పంపారు. కాంగ్రెస్ ప్రభుత్వ వైఫల్యాలను ఎత్తిచూపేందుకు త్వరలో రాష్ట్రవ్యాప్త పర్యటనకు శ్రీకారం చుట్టనున్నట్టు ఇటీవల మాజీ సీఎం బీఎస్ యడ్యూరప్పతోపాటు ఇతర రాష్ట్ర బీజేపీ నేతలు ప్రకటించారు. 2024 లోక్‌సభ ఎన్నికల కోసం పార్టీని బలోపేతం చేసేందుకు బీజేపీ ప్రచారానికి దిగనుంది.

బీఎస్‌వైగా పిలవబడే బుకనకెరె సిద్దలింగప్ప యడ్యూరప్ప దాదాపు ఐదు దశాబ్దాలుగా కర్ణాటక రాజకీయాల్లో ప్రముఖ వ్యక్తిగా ఆయనకంటూ ప్రత్యేకమైన గుర్తింపు తెచ్చుకున్నారు. కర్ణాటక రాష్ట్రంలో ప్రధాన ఓటు బ్యాంకులలో ఒకటిగా పరిగణించబడే లింగాయత్ కమ్యూనిటీకి బీఎస్ యడియూరప్ప నాయకత్వానికి పేరుగాంచారు. బీజేపీ కర్ణాటక రాష్ట్ర శాఖ అధ్యక్ష పదవికి తన కుమారుడు బీవై విజయేంద్రను నియమించడానికి బీఎస్ యడ్యూరప్ప అనేక ప్రయత్నాలు చేస్తున్నారని ఆ పార్టీ నాయకులు చెబుతున్నారు.

కర్ణాటకలో కాంగ్రెస్ ప్రభుత్వం అధికారంలోకి వచ్చి 5 నెలలు గడిచినా ప్రతిపక్ష నేత నియామకానికి సంబంధించి బీజేపీ నాయకుల్లో ఏకాభిప్రాయం కుదరలేదు. నేనూ బీజేపీ రాష్ట్ర అధ్యక్ష పదవిని ఆశిస్తున్నానని మాజీ మంత్రి, బీఎస్ యడియూరప్ప శిష్యుడు ఎంపీ రేణుకాచార్య విజయదశమి రోజు బహిరంగంగానే చెప్పారు.

బీఎస్‌ యడ్యూరప్పకు వయసు ఎక్కువగా ఉండవచ్చు. కానీ ఆయన చరిష్మా మాత్రం ఏమాత్రం తగ్గలేదని మరోసారి వెలుగు చూసింది. బీజేపీ కర్ణాటక శాఖ అధ్యక్షుడిగా ఆయనకు మరో చాన్స్ ఇచ్చినా ఆశ్చర్యం లేదని బీజేపీ నాయకులు అంటున్నారు. మొత్తం మీద బీఎస్ యడియూరప్పకు ఇప్పుడు జడ్ ప్లస్ కేటగిరి భద్రత కల్పించడం కర్ణాటకలో హాట్ టాపిక్ అయ్యింది.

English summary

The Home Ministry has issued orders to provide Z Plus category security to former Karnataka Chief Minister BS Yeddyurappa.