మైనర్ అమ్మాయిని ఏం చేశాడంటే ?, సద్దాం హుస్సేన్ పై కాల్పులు, పోలీసులతో గేమ్స్ ఆడితే !

కర్ణాటకలోని హుబ్బళిలో మరో బాలిక లైంగిక వేధింపులకు గురి అయ్యింది. ఇప్పటికే కాలేజ్ అమ్మాయిని ముస్లీం యువకుడు కత్తితో పొడిచి దారుణంగా హత్య చెయ్యడంతో ఆ సంఘటన కర్ణాటకతో పాటు దేశ వ్యాప్తంగా కలకలం రేపింది. ఇప్పుడు అదే హుబ్బళిలో బాలికను లైంగికంగా వేధించిన కేసులో నిందితుడు సద్దాం హుస్సేన్‌పై పోలీసులు కాల్పులు జరపడంతో ఆ ప్రాంతంలోని ప్రజలు హడలిపోయారు.

బాలికపై లైంగిక వేధింపులకు పాల్పడటమే కాకుండా పోలీసులపై దాడి చేసి తప్పించుకునేందుకు సద్దాం హుస్సేన్ ప్రయత్నించాడు. ఈ సమయంలో పోలీసులు నిందితుడు సద్దాం హుస్సేన్‌ ను పట్టుకోవడానికి ప్రయత్నించి తరువాత అతని ఎడమ కాలిపై తుపాకితో కాల్చి చివరికి అతన్ని అరెస్ట్‌ చేశారు. నిందితుడు సద్దాం హుస్సేన్ దాడిలో ధారవాడలోని విద్యాగిరి పోలీస్ స్టేషన్‌కు చెందిన ఇన్‌స్పెక్టర్ సంగమేష్, కానిస్టేబుల్ అరుణ్ గాయపడి ఆస్పత్రిలో చేరారు.

ప్రస్తుతం గాయపడిన నిందితుడు సద్దాం హుస్సేన్‌ను స్థానిక ఆసుపత్రిలో చేర్పించారు. ధారవాడలోని ధార్వాడ్‌లోని విద్యాగిరి పోలీస్‌స్టేషన్‌ పోలీసులు నిందితుడు సద్దాం హుస్సేన్‌ను అరెస్టు చేశారు. అనంతరం నిందితుడు సద్దాం హుస్సేన్ పోలీసు వాహనం ఎక్కుతుండగా ఒక్కసారిగా పోలీసు అధికారులపై కత్తితో దాడి చేసి తప్పించుకునేందుకు ప్రయత్నించాడు. ఆ సమయంలో ఆత్మరక్షణ కోసం నిందితుడు సద్దాం హుస్సేన్ పై పోలీసులు కాల్పులు జరిపారని పోలీసు అధికారులు తెలిపారు.

నిందితుడు సద్దాం హుస్సేన్ హుబ్బళిలోని ఈశ్వర్ నగర్‌లో నివాసం ఉంటున్నాడని పోలీసు అధికారులు తెలిపారు. మైనర్‌ అమ్మాయిని ప్రేమించమని బలవంతపెట్టి ఆమెను లైంగికంగా వేదించాడని, ఆమెపై అత్యాచారం చేశాడని, ఆమెపై శారీరక దాడికి పాల్పడ్డాడని పోలీసు అధికారులు తెలిపారు. ఈ విషయం ఇంట్లో చెబితే నీ ప్రాణాలు తీస్తానని, నిన్ను మాత్రం వదలను అని ఆ అమ్మాయిని సద్దాం హుస్సేన్ బెదిరించాడని పోలీసు అధికారులు తెలిపారు.

గత మూడు, నాలుగు రోజులుగా ఆ బాలిక వాంతులుచేసుకోవడంతో ఆమెను చికిత్స నిమిత్తం కిమ్స్‌ ఆసుపత్రిలో చేర్చారు. అయినా వాంతులు తగ్గకపోవడంతో వైద్యులు ఆమెను పరీక్షించగా ఆ బాలిక గర్భవతి అని నిర్ధారించారు. ఆ సమయంలో బాలికను విచారించగా సద్దాం హుస్సేన్ తనను బెదిరించి లైంగిక దాడి చేశాడని చెప్పిందని పోలీసు అధికారులు తెలిపారు. బాలిక ఇచ్చిన సమాచారం మేరకు నిందితుడు సద్దాం హుస్పేన్ గురించి పోలీసులు ఆరా తీశారు. ఈ నేపథ్యంలో బాలిక తల్లిదండ్రులు ఫిర్యాదు చెయ్యడంతో సద్దాం హుస్సేన్ ను అరెస్టు చెయ్యడానికి వెళ్లిన సమయంలో నిందితుడు కత్తితో దాడి చెయ్యడంతో అతనిపై కాల్పులు జరపాల్సి వచ్చిందని పోలీసు అధికారులు తెలిపారు.

English summary

Hubbali police fired on Saddam Hussain who sexually assaulted a minor girl and made her pregnant in Karnataka.