తమిళనాడుకు నీళ్లు వదిలితే జైళ్లు నిండిపోతాయి జాగ్రత్త, బెంగళూరులో తాగే నీళ్లు లేవు
తమిళనాడుకు రోజూ ఒక టీఎంసీ నీరు చొప్పున జులై 31వ తేదీ వరకు నీటిని విడుదల చేయాలని కావేరి మేనేజ్మెంట్ బోర్డు కమిటీ ఆదేశించింది. తమిళనాడుకు ఎప్పుడూ నీళ్లు ఇచ్చే నిర్వహణ కమిటీ మాకు వద్దు. తమిళనాడుకు నీటి సరఫరా ఆపకపోతే కన్నడ అనుకూల సంఘ, సంస్థలన్నింటితో కలసి జైల్ భరో ఉద్యమం చేపడతామని మాజీ ఎమ్మెల్యే, కన్నడ ఉద్యమ వాటల్ పార్టీ అధ్యక్షుడు వాటల్ నాగరాజ్ హెచ్చరించారు.
బెంగళూరులో శనివారం విలేకరులతో వాటల్ నాగరాజ్ మాట్లాడుతూ జులై 31వ తేదీ వరకు రోజూ ఒక టీఎంసీ విడుదల చేయాలని కావేరీ మేనేజ్మెంట్ కమిటీ ఆదేశించిందని తెలిపారు. ఇది కర్ణాటకకు, మన రైతులకు నిజంగా అన్యాయం జరుగుతోందని. మా నదిలో నీరు లేదని, మా రైతులు వేసిన పంటలు నాశనం అవుతున్నాయని, ఇంత జరుగుతున్నా తమిళనాడుకు నీళ్లు ఎలా వదలాలని వాటల్ నాగరాజ్ అన్నారు.
ప్రస్తుతం అన్ని రిజర్వాయర్లలో కలిపి 60 టీఎంసీల నీరు నిల్వ ఉంటుందని, ఇప్పుడున్న పరిస్థితుల్లో 90 నుంచి 95 టీఎంసీల నీరు ఉండాల్సి ఉందని, అయితే కావేరి రిజర్వాయర్లో నీరు చాలా తక్కువగా ఉన్నప్పటికి తమిళనాడుకు నీటిని విడుదల చేయాలని కావేరి మేనేజ్మెంట్ అథారిటీ బోర్డు ఉత్తర్వులు జారీ చేయడం సరైన చర్య కాదని కన్నడ పోరాట సంస్థల కూటమి నాయకుడు వాటల్ నాగరాజ్ ఆగ్రహం వ్యక్తం చేశారు.
కర్ణాటకలోని అధికార యంత్రాంగం కర్ణాటకకు అనుకూలంగా లేదని వాటల్ నాగరాజ్ ఆరోపించారు. తమిళనాడుకు నీరు విడుదల చేయాలని చెబుతున్నారని కావేరి నిర్వహణ కమిటీ మాకు అక్కర్లేదని, రిజర్వాయర్ను నిర్వహించే వారు ఢిల్లీకి చెందిన వారని, కావేరి మేనేజ్ మెంట్ బోర్డు తీరుపై కర్ణాటక రాష్ట్ర ప్రజలంతా నిరసన తెలపాలని వాటల్ నాగరాజ్ మనవి చేశారు. కర్ణాటక రాష్ట్రంలోని ఎంపీలందరూ రాష్ట్రం తరపున ఏం చేస్తున్నారు? ఎంపీలంతా వెంటనే ప్రధాని, కేంద్ర మంత్రుల వద్దకు వెళ్లి కర్ణాటక రాష్ట్రానికి జరుగుతున్న అన్యాయంపై మాట్లాడాలని వాటల్ నాగరాజ్ డిమాండ్ చేశారు.
తమిళనాడు ప్రజలకు కర్ణాటకలోని చాలా పరిస్థితుల గురించి తెలియదని, తమిళనాడు ముఖ్యమంత్రులంతా కర్ణాటకకు వ్యతిరేకంగా పని చేస్తున్నారని, మేకదాటు ప్రాజెక్టు విషయంలో సిద్దరామయ్య ప్రభుత్వ వైఖరి ఏమిటి? అనే విషయం బహిరంగంగా చెప్పాలని, మీరు ఎప్పుడైనా మేకదాటు ప్రాజెక్టు నిర్మించాలని ప్రయత్నాలు చేశారా అని వాటల్ నాగరాజ్ ప్రశ్నించారు.
కర్ణాటక ప్రభుత్వం దీనిని సీరియస్గా పరిగణించాలని వాటల్ నాగరాజ్ డిమాండ్ చేశారు, తమిళనాడుకు కావేరీ నీటి విడుదలకు వ్యతిరేకంగా కన్నడ అనుకూల సంస్థలు పోరాటానికి సిద్ధమవుతున్నాయని, కావేరి నీరు తమిళనాడుకు విడుదల చేస్తే జైల్ భరో ఉద్యమం చేస్తామని, వెంటనే తమిళనాడుకు కావేరీ నీటి విడుదల నిలిపివేయాలని వాటల్ నాగరాజ్ సిద్దరామయ్య ప్రభుత్వాన్ని హెచ్చరించారు.
Click it and Unblock the Notifications
Sign in with Google