లోక్‌సభ ఎన్నికలు 2019 : ఆరోవిడత పోలింగ్ ఉదయం నుంచి సాయంత్రం వరకు అప్ డేట్స్

న్యూఢిల్లీ: దేశవ్యాప్తంగా 6 విడత పోలింగ్‌ ప్రారంభమైంది. ఏడు రాష్ట్రాల్లోని 59 లోక్‌సభ స్థానాలకు పోలింగ్ జరుగుతోంది. బీహార్, జార్ఖండ్, మధ్యప్రదేశ్, ఉత్తర్‌ప్రదేశ్, పశ్చిమ బెంగాల్ రాష్ట్రాల్లో ఓటర్లు ఓటు హక్కు వినియోగించుకుంటున్నారు. హర్యానాలోని అన్ని స్థానాలకు 6వ విడతలోనే పోలింగ్ జరగనుంది. బీహార్‌లో 8 స్థానాలు, ఢిల్లీ ఎన్సీటీలో 7 స్థానాలు, హర్యానాలో 10 స్థానాలు, జార్ఖండ్‌లో 4 స్థానాలు, మధ్యప్రదేశ్‌లో 8స్థానాలు, ఉత్తర్ ప్రదేశ్‌లో 14 స్థానాలు, పశ్చిమ బెంగాల్‌లో 8 స్థానాలకు పోలింగ్ జరుగుతోంది.

ఆరవ విడత పోలింగ్‌లో పలువురు ప్రముఖులు బరిలో ఉన్నారు. మేనకా గాంధీ, సమాజ్‌వాదీ చీఫ్ అఖిలేష్ యాదవ్, అతిషి, గౌతం గంభీర్, సాద్వీ ప్రగ్యా, దిగ్విజయ్ సింగ్‌లు పోటీలో ఉన్నారు. మొత్తం బరిలో ఉన్న అభ్యర్థుల సంఖ్య 979 ఉండగా ఒక్క హర్యానాలోనే 223 మంది అభ్యర్థులు పోటీ చేస్తున్నారు. మొత్తం 10 కోట్ల 17 లక్షల మంది ఓటర్లు తమ ఓటు హక్కును వినియోగించుకోనున్నారు. ఇందులో మహిళా ఓటర్ల సంఖ్య 75 లక్షలు ఉండగా .. థర్డ్ జెండర్ ఓటర్లు దాదాపు 3281 మంది ఉన్నారు.

ఇక 6వ విడత పోలింగ్ పూర్తికాగానే ఇక ఒకే విడత పోలింగ్ ఉంటుంది. అది మే 19న జరుగుతుంది. అన్ని విడతల పోలింగ్‌కు సంబంధించిన ఫలితాలు మే 23న తెలుస్తాయి.

English summary

The stage is set for polling for the sixth phase of Lok Sabha Elections tomorrow. In all, 59 constituencies, spread over six states and one union territory, will go to the polls in this phase. Voting will take place for 14 seats in Uttar Pradesh; all 10 in Haryana; eight each in West Bengal, Bihar and Madhya Pradesh; all seven seats in the National Capital Region of Delhi and four in Jharkhand.