అస్సాం, జార్ఖండ్ రాష్ట్రాల్లో భూకంపాలు: భయంతో పరుగులు తీసిన జనం
న్యూఢిల్లీ: అస్సాం, జార్ఖండ్ రాష్ట్రాల్లో ఆదివారం భూకంపం సంభవించింది. తొలుత జార్ఖండ్లోని సింగ్భూమ్ జిల్లాలో భూకంపం సంభవించగా.. ఆ తర్వావాత కాసేపటికే అస్సాంలోని తేజ్పూర్లో భూమి కంపిపంచింది. దీంతో ఆయా ప్రాంతాల్లోని ప్రజలు భయంతో ఇళ్ల నుంచి బయటకు పరుగులు తీశారు.
ప్రాణాలను అరచేతిలో పెట్టుకుని నడిరోడ్డుపై నిల్చున్నారు. కొద్ది సెకన్లపాటు కంపించిన భూమి.. ఆ తర్వాత శాంతించింది. కాగా, సింగ్భూమ్లో మధ్యాహ్నం 2.22 గంటలకు, తేజ్పూర్లో మధ్యాహ్నం 2.40 గంటలకు భూప్రకంపనలు సంభవించాయి.
అస్సాంలో భూకంప తీవ్రత రిక్టర్ స్కేల్పై 3.8 గా నమోదుకాగా.. జార్ఖండ్లో 4.1 తీవ్రత నమోదైంది. ఈ మేరకు నేషనల్ సిస్మోలాజికల్ సెంటర్ ప్రకటించింది. ఇవి స్వల్ప ప్రకంపనలేనని, ప్రజలెవరూ ఆందోళన చెందాల్సిన అవసరం లేదని తెలిపింది. కాగా, ఈ ఘటనలో ఎలాటి ఆస్తినష్టం గానీ, ప్రాణ నష్టం గానీ సంభవించలేదని అధికారులు వెల్లడించారు.
అసలు ఈ భూకంపాలు ఎందుకు సంభవిస్తాయంటే?
Recommended Video
భూమిలో అనేక పొరలుగా విభజించబడి ఉంటుంది. భూమి లోపల అనేక రకాల పలకలు(ప్లేట్స్)ఉన్నాయి. అయితే, భూమి లోపలి ఉష్ణోగ్రతల కారణంగా.. ప్లేట్లు కొన్నిసార్లు కదులుతుంటాయి. ఆ కారణంగా భూ ప్రకంపనలు సంభిస్తుంటాయి. కొన్నిసార్లు తీవ్రమైన భూకంపాలు సంభిస్తుంటాయి. ఇక భారతదేశంలో భూమి లోపలి పొరల ఆధారంగా భౌగోళికంగా 5 జోన్లుగా విభజించారు. ఆయా మండలాల్లో కొన్ని చోట్లు ఎక్కువగా.. మరికొన్ని చోట్ల తక్కువగానరూ భూప్రకంపనలు సంభవిస్తుంటాయి. జోన్ 5లో అధికంగా భూకంపాలు సంభవిస్తుంటాయి. 4, 3, 2,1 జోన్లలో స్వల్పంగా వస్తాయి.
Click it and Unblock the Notifications
Sign in with Google