డైట్ కాలేజీల్లో లెక్చరర్ పోస్టులకు "టీజీపీఎస్సీ" నోటిఫికేషన్..!
తెలంగాణలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు టీజీపీఎస్సీ (TGPSC) మరో శుభవార్త చెప్పింది. ఇటీవల పలు శాఖల్లో ఉద్యోగ నియామకాలకు నోటిఫికేషన్లు విడుదల చేసిన కమిషన్.. తాజాగా పాఠశాల విద్యాశాఖ పరిధిలోని డైట్ (DIET) కళాశాలల్లో సీనియర్ లెక్చరర్, లెక్చరర్ పోస్టుల భర్తీకి భారీ నోటిఫికేషన్ విడుదల చేసింది. మొత్తం 86 ఖాళీలను భర్తీ చేయనున్నట్లు ప్రకటించింది. దీర్ఘకాలంగా డైట్ కళాశాలల్లో ఖాళీగా ఉన్న పోస్టుల భర్తీ ప్రక్రియ ప్రారంభం కావడంతో నిరుద్యోగుల్లో కొత్త ఆశలు చిగురించాయి.
ఈ పోస్టులు తెలుగు, ఇంగ్లీష్, మ్యాథ్స్, ఫిజికల్ సైన్స్, బయోలాజికల్ సైన్స్, సోషల్ స్టడీస్, ఎడ్యుకేషన్, సైకాలజీ తదితర సబ్జెక్టులకు సంబంధించిన విభాగాల్లో భర్తీ చేయనున్నారు. ఈ నియామకాల కోసం అర్హత కలిగిన అభ్యర్థులు జూన్ 24 నుంచి జులై 29 వరకు ఆన్లైన్లో దరఖాస్తు చేసుకోవచ్చని టీజీపీఎస్సీ వెల్లడించింది. పరీక్షలను నవంబర్ నెలలో నిర్వహించే అవకాశం ఉన్నట్లు సమాచారం. పూర్తి సమాచారం కోసం అధికారిక వెబ్సైట్: https://www.tgpsc.gov.in ని సంప్రదించాలి.
మొత్తం పోస్టులు..
86
ఏయే కేటగిరీల్లో ఖాళీలు..
సీనియర్ లెక్చరర్ పోస్టులు - 23
లెక్చరర్ పోస్టులు - 63
వయోపరిమితి..
ఈ పోస్టులకు దరఖాస్తు చేసుకునే అభ్యర్థుల కనీస వయస్సు 18 సంవత్సరాలు కాగా, గరిష్ఠ వయోపరిమితి 44 సంవత్సరాలుగా నిర్ణయించారు. 2026 జులై 1 నాటికి అభ్యర్థుల వయస్సును పరిగణనలోకి తీసుకుంటారు. అలాగే ప్రభుత్వ నిబంధనల ప్రకారం వివిధ రిజర్వేషన్ కేటగిరీల అభ్యర్థులకు వయో పరిమితిలో సడలింపులు వర్తిస్తాయి.
విద్యార్హతలు..
అభ్యర్థులు సంబంధిత సబ్జెక్టులో పోస్టు గ్రాడ్యుయేషన్, బీఈడ్/ఎంఈడ్ లేదా నోటిఫికేషన్లో పేర్కొన్న విద్యార్హతలను తప్పనిసరిగా కలిగి ఉండాలి. కొన్నిపోస్టులకు బోధనా అనుభవం కూడా అవసరం కావచ్చు. పూర్తి అర్హతల వివరాలను అధికారిక నోటిఫికేషన్లో పరిశీలించాలని టీజీపీఎస్సీ సూచించింది.
ఎంపిక విధానం..
అభ్యర్థుల ఎంపికను రాత పరీక్ష, మెరిట్, సర్టిఫికెట్ వెరిఫికేషన్ ఆధారంగా చేపట్టనున్నారు. పరీక్ష సిలబస్, పరీక్షా విధానం, మార్కుల పంపిణీ తదితర వివరాలను కమిషన్ త్వరలో వెల్లడించే అవకాశం ఉంది.
జోన్ల వారీగా పోస్టులు
డైట్ కళాశాలల్లో జోన్ల వారీగా ఖాళీలను భర్తీ చేయనున్నారు. పోస్టుల పంపిణీ, రిజర్వేషన్లు, వేతన వివరాలు, సబ్జెక్టుల వారీ ఖాళీలు, పరీక్ష సిలబస్ వంటి పూర్తి సమాచారాన్ని అధికారిక నోటిఫికేషన్లో అందుబాటులో ఉంచారు.
దరఖాస్తు విధానం..
అభ్యర్థులు టీజీపీఎస్సీ అధికారిక వెబ్సైట్లో ఆన్లైన్ ద్వారా దరఖాస్తు చేసుకోవాలి. దరఖాస్తు చేసే ముందు వన్ టైమ్ రిజిస్ట్రేషన్ (OTR) వివరాలను అప్డేట్ చేసుకోవాలని కమిషన్ సూచించింది. దరఖాస్తు సమయంలో విద్యార్హతలు, కేటగిరీ ధ్రువపత్రాలు, ఇతర అవసరమైన పత్రాలను సిద్ధంగా ఉంచుకోవాలి.
దరఖాస్తు గడువు..
ఆన్లైన్ దరఖాస్తుల ప్రారంభం : జూన్ 24, 2026
దరఖాస్తుల చివరి తేదీ : జులై 29, 2026
పరీక్ష జరిగే అవకాశం : నవంబర్ 2026
ప్రభుత్వ విద్యాసంస్థల్లో అధ్యాపకులుగా సేవలందించాలని భావిస్తున్న అభ్యర్థులకు ఇది మంచి అవకాశం.
Click it and Unblock the Notifications
Sign in with Google