మహారాష్ట్ర, హర్యానా అసెంబ్లీ, హుజూర్‌నగర్ ఉప ఎన్నికకు ముగిసిన పోలింగ్

న్యూఢిల్లీ: మహారాష్ట్ర, హర్యానా రాష్ట్ర అసెంబ్లీలకు పోలింగ్ ప్రారంభమైంది. ఇందుకోసం ఎన్నికల సంఘం అన్ని ఏర్పాట్లు ఇప్పటికే పూర్తి చేసింది. సమస్యాత్మక ప్రాంతాల్లో భద్రతను రెట్టింపు చేసింది. ఉదయం 7 గంటలకు ప్రారంభమైన పోలింగ్ సాయంత్రం 5 గంటలకు ముగియనుంది. ఎలక్షన్ నోటిఫికేషన్ విడుదలైన నాటి నుంచి రెండు రాష్ట్రాల్లో ఆయా పార్టీలు సుడిగాలి పర్యటనలు చేసి ప్రచారం నిర్వహించారు. ఇక నేతల భవితవ్యం ఓటర్ల చేతుల్లోకి వెళ్లిపోయింది.

మహారాష్ట్రలో 288 స్థానాలకు పోలింగ్ జరుగుతోంది. ప్రభుత్వం ఏర్పాటుకు కావాల్సిన మ్యాజిక్ ఫిగర్ 145గా ఉంది. మహారాష్ట్రలో అధికారిక బీజేపీ శివసేన పార్టీలు పొత్తు పెట్టుకుని ఎన్నికలకు వెళుతుండగా కాంగ్రెస్ ఎన్సీపీల బంధం తమ అదృష్టాన్ని పరీక్షించుకోనుంది. ఈ ఎన్నికల్లో తొలిసారిగా థాక్రే కుటుంబం నుంచి ఆదిత్య థాక్రే బరిలో దిగనున్నారు. ఇక చాలామంది ప్రముఖులు తమ అదృష్టాన్ని పరీక్షించుకోనున్నారు. తమకు పట్టున్న ప్రాంతాల్లో మజ్లిస్ పార్టీ సైతం తమ అభ్యర్థులను రంగంలోకి దింపింది. వారి తరపున మజ్లిస్ పార్టీ అధినేత అసదుద్దీన్ ఓవైసీ ప్రచారం నిర్వహించారు. మహారాష్ట్రలో ప్రధాని నరేంద్ర మోడీతో పాటు కేంద్ర హోంశాఖ మంత్రి అమిత్ షాలు ప్రచారం నిర్వహించారు.

ఇక హర్యానా విషయానికొస్తే అక్కడ మొత్తం 90 స్థానాలు ఉన్నాయి. మ్యాజిక్ ఫిగర్ 46గా ఉంది. హర్యానాలో కూడా ప్రధాని నరేంద్ర మోడీ సుడిగాలి పర్యటనలు చేసి తమ ప్రభుత్వం ప్రవేశపెట్టిన సంక్షేమ ఫథకాల గురించి వివరించారు. హర్యానాలో భద్రత కట్టుదిట్టం చేసింది. సమస్యాత్మక ప్రాంతాలను గుర్తించిన ఎన్నికల సంఘం అక్కడ భద్రతను మరింత పెంచింది. ఎలాంటి అవాంఛనీయ సంఘటనలు చోటుచేసుకోకుండా గట్టి నిఘా ఉంచింది. ఓటర్లు పెద్ద సంఖ్యలో వచ్చి తమ ఓటు హక్కును వినియోగించుకోవాలని ఎన్నికలు సంఘం సూచించింది. ఓటింగ్ సందర్భంగా ఏమైనా అనుమానాలుంటే అధికారులను సంప్రదించాల్సిందిగా ఎన్నికల సంఘం వెల్లడించింది.

అక్టోబర్ 21న పోలింగ్ జరగనుండగా ఎగ్జిట్ ఫలితాలు అదే రోజు సాయంత్రం వెలువడుతాయి. అక్టోబర్ 24న అభ్యర్థుల భవితవ్యం తేలనుంది. మహారాష్ట్ర, హర్యానా రాష్ట్రాలతో పాటు తెలంగాణలోని హుజూరాబాద్ నియోజకవర్గంకు జరుగుతున్న ఉపఎన్నికలకు సంబంధించి మినిట్‌-టూ - మినిట్ అప్‌డేట్స్ లైవ్‌ కోసం చూడండి.

English summary

Election commission have made all the necessary arrangements for Maharashtra and Haryana Assembly elections. Polling begins from 7Am and will close by 5pm said the CEC.