కన్నయ్యని చంపితే...: అతని వద్ద ఉన్నవి రూ.150

ఢిల్లీ: జవహర్ లాల్ నెహ్రూ విశ్వవిద్యాలయం (జెఎన్‌యు) విద్యార్థి కన్నయ్య కుమార్‌ను చంపితే రూ.11 లక్షలు ఇస్తానని ప్రకటించిన వ్యక్తి బ్యాంకు అకౌంటులో కేవలం రూ.150 మాత్రమే ఉన్నాయి. అంతేకాదు, అతను ఓ ఇంట్లో అద్దెకు ఉంటున్నాడు.

కన్నయ్య కుమార్‌ను చంపిన వారికి రూ.11 లక్షలు ఇస్తానని పూర్వాంచల్ సేన అధ్యక్షులు ఆదర్శ శర్మ ప్రకటించారు. అయితే, ఆయన బ్యాంకు ఖాతాలో ఉన్నది కేవలం రూ.150 మాత్రమేనట. రోహిణీ ప్రాంతంలోని ఓ అద్దె ఇంట్లో ఉంటున్న ఆయన, కనీసం అద్దె చెల్లించేందుకే అష్టకష్టాలు పడుతున్నాడని తెలుస్తోంది.

కన్నయ్యను హత్య చేయాలని కోరుతూ.. వారికి భారీగా నజరానా ఇస్తామని ఆదర్శ్ సంతకంతో కూడిన పోస్టర్లు పుట్టుకు వచ్చాయి. ఈ విషయమై ఆయనపై కేసు నమోదయింది. అప్పటి నుంచి అజ్ఞాతంలోకి వెళ్లిపోయిన ఆదర్శ శర్మ మొబైల్ స్విచ్ ఆఫ్‌లో ఉంది.

English summary

The Purvanchal Sena president, Adarsh Sharma, who announced a bounty of Rs 11 lakh on the head of Jawaharlal Nehru University Students Union (JNUSU) president Kanhaiya Kumar, has only Rs 150 in his bank account and owes rent for his accommodation for several months, reports said.