ప్రధాని నరేంద్ర మోడీకి మరో అరుదైన గౌరవం..

భారత ప్రధానమంత్రి నరేంద్ర మోడీకి మరో అరుదైన గౌరవం దక్కింది. మోడీకి సైప్రస్ ప్రభుత్వం అత్యున్నత గౌరవాన్ని ప్రకటించింది. సైప్రస్ దేశాధినేత నికోస్ క్రిస్టోడౌలిడెస్.. పీఎం మోడీని 'గ్రాండ్ క్రాస్ ఆఫ్ ది ఆర్డర్ ఆఫ్ మకారియోస్ III' అనే అత్యున్నత సివిలియన్ పురస్కారంతో సత్కరించారు. కాగా ఇది సైప్రస్ ప్రభుత్వం ఇచ్చే అత్యంత గౌరవనీయమైన పురస్కారాల్లో ఒకటి. ఈ అవార్డు, సైప్రస్-భారత్ ద్వైపాక్షిక సంబంధాలను బలపరిచే విధంగా ప్రధాని మోడీ చేసిన కృషికి ప్రదానంగా దక్కిందని తెలుస్తోంది.

ఈ సందర్భంగా ప్రధాని మోడీ మాట్లాడుతూ.. ఈ గౌరవాన్ని అందుకోవడం నాకు పెద్దగా గర్వకారణం అని తెలిపారు. కానీ ఇది తనకు మాత్రమే దక్కిన గౌరవం కాదని.. ఇది 140 కోట్ల భారతీయులకు దక్కిన గౌరవంగా భావిస్తున్నానన్నారు. ఈ పురస్కారాన్ని సైప్రస్, భారతదేశాల మధ్య ఉన్న బలమైన స్నేహానికి అంకితం చేస్తున్నానని పేర్కొన్నారు.

మోడీ సైప్రస్‌ను సందర్శించడం ఇది మూడవసారి. ప్రస్తుతం పీఎం మూడు దేశాల పర్యటనలో ఉన్నారు. మొదటగా సైప్రస్‌ను సందర్శించిన మోడీ.. అక్కడి నేతలతో ద్వైపాక్షిక సంబంధాలు, వాణిజ్యం, డిఫెన్స్ సహకారం, విద్య, టెక్నాలజీ రంగాల్లో భాగస్వామ్యంపై చర్చలు జరిపారు. ఆ తర్వాత కెనడాలో జరిగే G7 సదస్సుకు ప్రత్యేక ఆహ్వానితుడిగా హాజరవుతారు. చివరిగా ఆయన క్రొయేషియా పర్యటనకు వెళ్లనున్నారు. దీంతో ఈ పర్యటన అంతర్జాతీయంగా ఇండియాకు ఉన్న ప్రాధాన్యతను మరింతగా హైలైట్ చేస్తోంది.

భారత్-పాకిస్తాన్ ఘర్షణల నేపథ్యంలో..

మే నెలలో జరిగిన 'ఆపరేషన్ సిందూర్' తర్వాత మోడీ విదేశీ పర్యటన చేపట్టడం ఇదే మొదటిసారి. పహల్గామ్‌లో ఉగ్రవాద దాడికి ప్రతిగా భారత్ పాక్ ఆక్రమిత కశ్మీర్‌లో ఉగ్ర స్థావరాలపై మెరుపుదాడులు చేసింది. అనంతరం 4 రోజుల పాటు సాగిన సరిహద్దు ఘర్షణలకు పాకిస్తాన్ మే 10న కాల్పుల విరమణ కోరింది. ఈ పరిణామాల నేపథ్యంలో మోదీ పర్యటనకు వ్యూహాత్మక ప్రాధాన్యం ఏర్పడింది.

సైప్రస్‌తో భారత్‌కు విద్య, ఆరోగ్యం, టెక్నాలజీ, డిఫెన్స్ రంగాల్లో అనేక అవకాశాలున్నాయి. ఈ పర్యటన ద్వారా ఇరు దేశాల మధ్య సంబంధాలను మరింత బలోపేతం చేయడం మోడీ లక్ష్యంగా పెట్టుకున్నారని అంచనా వేస్తున్నారు. అలాగే సైప్రస్ భారతీయులకు స్నేహపూరిత దేశంగా పరిణమించడానికి ఇది మంచి దోహదం చేస్తుందని విశ్లేషకులు అభిప్రాయపడుతున్నారు.

English summary

Indian Prime Minister Narendra Modi has been awarded the Grand Cross of the Order of Makarios III by Cyprus. He dedicated the honour to the people of India, emphasising the strengthening of bilateral relations during his visit.