ముస్లింలోను ఓబీసీ జాబితాలో చేర్చిన ప్రభుత్వం

Karnataka Muslims reservations: రెండో విడత లోక్‌సభ ఎన్నికల పోలింగ్ గడువు సమీపించింది. ఈ నెల 26వ తేదీన శుక్రవారం నాడు దేశవ్యాప్తంగా 13 రాష్ట్రాల్లో లోక్‌సభ ఎన్నికలు జరుగనున్నాయి. మొత్తం 89 స్థానాల ఓటర్లు తమ ఓటు హక్కును వినియోగించుకోనున్నారు.

ఇప్పటికే తొలి విడత పోలింగ్ ముగిసిన విషయం తెలిసిందే. ఈ నెల 19వ తేదీన 21 రాష్ట్రాలు/కేంద్ర పాలిత ప్రాంతాల్లో 102 స్థానాలకు పోలింగ్ ప్రక్రియ పూర్తయింది. మలి విడతలో అస్సాం, బిహార్, ఛత్తీస్‌గఢ్, కర్ణాటక, కేరళ, మధ్యప్రదేశ్, మహారాష్ట్ర, మణిపూర్, రాజస్థాన్, త్రిపుర, ఉత్తరప్రదేశ్, పశ్చిమ బెంగాల్, జమ్మూ కాశ్మీర్‌లల్లో శుక్రవారం ఉదయం 7 గంటలకు పోలింగ్ ఆరంభమౌతుంది.

కర్ణాటకలో మొత్తం 28 లోక్‌సభ స్థానాలు ఉండగా..కర్ణాటక దక్షిణ ప్రాంత జిల్లాల్లోని 14 నియోజకవర్గాలకు శుక్రవారం పోలింగ్ జరుగుతుంది. మిగిలిన 14 నియోజకవర్గాల్లో మే 7వ తేదీన పోలింగ్ షెడ్యూల్ అయింది. ఈ ఎన్నికల్లో భారీ విజయాన్ని సాధించడానికి అధికార కాంగ్రెస్ ప్రభుత్వం ముమ్మర కసరత్తు చేస్తోంది.

ఇందులో భాగంగా- రాష్ట్రంలోని ముస్లింలను ఇతర వెనుకబడిన తరగతుల జాబితాలో చేర్చింది. ముస్లిం జనాభా మొత్తానికీ ఓబీసీ హోదా కల్పించినట్లు వెల్లడించింది. వారిని కేటగిరి 2-బీ పరిధిలోకి తీసుకొచ్చినట్టు తెలిపింది. దీనివల్ల ముస్లింలకు విద్య, ఉద్యోగ రంగాల్లో ఓబీసీ రిజర్వేషన్ వర్తింపజేసినట్లయింది. ఈ విషయాన్ని తాజాగా జాతీయ బీసీ కమిషన్ నిర్ధారించింది.

కర్ణాటకలో రెండు కేటగిరీల్లో ఓబీసీ రిజర్వేషన్లు కొనసాగుతున్నాయి. కేటగిరి 1, 2-ఏ, కేటగిరి 2-బీ. ముస్లింలల్లో 36 కులాలవారని ఈ రెండు కేటగిరీల్లో చేర్చారు. ముస్లింల సామాజిక, ఆర్థిక పరిస్థితిని ఆధారంగా చేసుకుని 17 కులాల వారిని కేటగిరి 1లో, మిగిలిన 19 కులాల వారిని కేటగిరీ 2-ఏ పరిధిలోకి తీసుకొచ్చారు. కర్ణాటకలో ఉన్న ముస్లిం జనాభా 12.92 శాతం.

English summary

The National Commission for Backward Classes (NCBC) on Wednesday confirmed citing the data from Karnataka government that all castes and communities of Muslims of Karnataka have been included in the list of OBC.