నర్సులా వెళ్లింది: పసికందును మాయం చేసింది

మధుర: ఓ మాయలేడి నర్సులా వెళ్లి పురిటి బిడ్డను ఎత్తుకుని అక్కడి నుంచి చిన్నగా జారుకుంది. బిడ్డను పోగొట్టుకున్న ఆ తల్లి ఆర్తనాదాలు చేస్తున్నది. ఉత్తరప్రదేశ్ లోని మధుర ప్రభుత్వ ఆసుపత్రిలో మూడు రోజుల పసికందును దొంగలించారు.

మధురలోని నవనీత్ నగర్ కు చెందిన నస్రీన్ జనవరి 29న మగబిడ్డను ప్రసవించింది. సోమవారం ఓ మహిళ నర్సులా అక్కడికి వెళ్లింది. పిల్లాడికి వాక్సిన్ వేయిస్తానని మాయమాటలు చెప్పి నస్రీన్ నుంచి పసికందును తీసుకుంది.

పిల్లాడిని తీసుకు వెళ్లిన ఆమె ఎంతకు రాకపోవడంతో ఆ చిన్నారి తల్లిదండ్రులు ఆసుపత్రి సూపరింటెండెంట్ భాస్కర్ కు ఫిర్యాదు చేశారు. అయినా ఫలితం లేకపోవడంతో నస్రీన్ కుటుంబ సభ్యులు, బంధువులు, ఇరుగుపొరుగు వారు ఆసుపత్రి ముందు ధర్నా నిర్వహించారు.

జిల్లా మెజిస్ట్రేట్ రాజేష్ కుమార్ ఈ ఘటనపై విచారణకు ఆదేశాలు జారీ చేశారు. పిల్లాడు చోరీకి కారణమైన ముగ్గురు ఆసుపత్రి సిబ్బందిని సస్పెండ్ చేశారు. ఆసుపత్రి సూపరింటెండెంట్ భాస్కర్ మీద చర్యలు తీసుకోవాలని మెజిస్ట్రేట్ ఆదేశాలు జారీ చేశారు. పోలీసులు పిల్లాడిని ఎత్తుకెళ్లిన మహిళ కోసం గాలిస్తున్నారు.

English summary

The child was yesterday stolen by the woman who took the baby from his mother Nasrin.