Seema Haider: సీమా హైదర్ జీవతం ఆధారంగా సినిమా.. నటి కూడా ఆమె..!
తన ప్రేమికుడు సచిన్ మీనాతో కలిసి ఉండటానికి చట్టవిరుద్ధంగా సరిహద్దులు దాటిన పాకిస్థాన్ జాతీయురాలు సీమా హైదర్ తన తొలి చిత్రం 'కరాచీ టు నోయిడా' షూటింగ్లో బిజీగా ఉన్నారు. ఈ మధ్య సినిమా నిర్మాత అమిత్ జానీ, ఆమె జీవితం గురించి మరింత తెలుసుకోవడానికి ఆమె మాజీ భర్త గులాం హైదర్ని భారతదేశానికి పిలిచారు. పాకిస్థాన్లోని సింధ్ ప్రావిన్స్కు చెందిన సీమా, గ్రేటర్ నోయిడాలోని రబుపురా ప్రాంతంలో ఉంటున్న సచిన్తో పబ్జీ గేమ్ లో పరిచయం అయింది. అ ది ప్రేమగా మారింది. దీంతో అతనితో కలిసి నివసించేందుకు మేలో నేపాల్ మీదుగా బస్సులో తన నలుగురు పిల్లలతో కలిసి అక్రమంగా భారత్లోకి ప్రవేశించింది.
జానీ ఫైర్ఫాక్స్ ఫిల్మ్ ప్రొడక్షన్ బ్యానర్పై ఈ సినిమా రూపొందుతోంది. ఇంతకుముందు సీమ రాబోయే సినిమాలో తన పాత్ర కోసం ఆడిషన్ ఇచ్చింది. సీమా మాజీ భర్త గులాం హైదర్ను కలవాలనుకుంటున్నానని, ఆమె జీవితం గురించి మరింత తెలుసుకోవడానికి ఢిల్లీ లేదా ముంబైకి రావాలని అమిత్ జానీని ఆహ్వానించానని చెప్పారు. గులాం భారత్కు రాలేకపోతే ప్రస్తుతం తాను ఉంటున్న సౌదీ అరేబియాకు తన రచయితను పంపిస్తానని నిర్మాత తెలిపారు.
"PUBG ప్లే చేస్తున్నప్పుడు ఈ ప్రేమకథ ఎలా జరిగింది. ఆమె భారతదేశానికి ఎలా వచ్చింది, ఎందుకు వచ్చింది, ఆమె గూఢచారి కాదా అని మేము ప్రపంచానికి చెప్పాలనుకుంటున్నాము. ఈ అంశాలను మా చిత్రంలో తెలియజేయాలనుకుంటున్నాము. అందుకే మేము ప్రతిదాన్ని సేకరిస్తున్నాము" అని ఆయన చెప్పారు.తన ప్రతిపాదిత చిత్రం గురించి అమిత్ జానీ మాట్లాడుతూ, సీమా, సచిన్ పాత్రలను పోషించే వారి తుది ఎంపికను మరో రెండు రోజుల్లో నిర్ణయిస్తామని చెప్పారు.
తాజాగా సినిమా టిక్కెట్లను సమాజ్వాదీ పార్టీ నేత ఒకరు సోషల్ మీడియాలో షేర్ చేశారు. సమాజ్వాదీ పార్టీ నాయకుడు అభిషేక్ సోమ్ టిక్కెట్కు సంబంధించిన చిత్రాలను ట్విట్టర్లో పంచుకున్నారు. దీంతో పాటు సీమా, సచిన్ కథాంశంతో రూపొందుతున్న ఈ సినిమా పోస్టర్ను కూడా షేర్ చేశాడు.
సినిమా టిక్కెట్టు, పోస్టర్ను పంచుకుంటూ "#సీమాహైదర్ దేశ ద్రోహులకు భారతదేశంలో నివసించడానికి స్థలం దొరకదు, మీ హీరోయిన్ను తీసుకొని పాకిస్తాన్కు వెళ్లండి. అమిత్ జానీ దేశంలో హిందూ-ముస్లిం అల్లర్లు సృష్టించాలనుకుంటున్నారు" అని అన్నారు.
Click it and Unblock the Notifications
Sign in with Google