అయోధ్య రామ మందిర ప్రారంభోత్సవం: ఈ రాష్ట్రాల్లో జనవరి 22న హాలీడే
ముంబై: అయోధ్యలోని రామమందిర 'ప్రాణ్ప్రతిష్ఠ'ను పురస్కరించుకుని మహారాష్ట్ర ప్రభుత్వం జనవరి 22న అధికారికంగా సెలవు ప్రకటించింది. రాష్ట్ర కేబినెట్ మంత్రి, బీజేపీ నాయకుడు మంగళ్ ప్రభాత్ లోధా అధికారిక అభ్యర్థన మేరకు ఈ నిర్ణయం తీసుకున్నారు. మొదట రాష్ట్ర సాధారణ పరిపాలన అభ్యర్థనను వ్యతిరేకించింది. అటువంటి సంఘటనలకు ప్రభుత్వ సెలవులు ప్రకటించడానికి ప్రాధాన్యత లేకపోవడాన్ని పేర్కొంది.
అయితే, ఈ అభ్యర్థన ఆమోదం కోసం ముఖ్యమంత్రి ఏక్నాథ్ షిండే కార్యాలయానికి పంపారు. కాగా, రామ మందిర ప్రతిష్టాపన వేడుకను పురస్కరించుకుని భారతదేశం అంతటా అన్ని కేంద్ర ప్రభుత్వ కార్యాలయాలు, సంస్థలు, పారిశ్రామిక సంస్థలకు కేంద్రం 'హాఫ్-డే' ప్రకటించిన నేపథ్యంలో మహారాష్ట్ర రాష్ట్ర సెలవుదినం నిర్ణయం తీసుకుంది. ఏక్నాథ్ షిండే నేతృత్వంలోని ప్రభుత్వం తీసుకున్న నిర్ణయం.. ఉత్తరప్రదేశ్, మధ్యప్రదేశ్, ఛత్తీస్గఢ్,గోవా ప్రభుత్వాల ఆదేశాలకు అనుగుణంగా ఉంది. ఈ రాష్ట్రాల్లో కూడా ప్రభుత్వ కార్యాలయాలు, విద్యా సంస్థలను మూసివేస్తున్నట్లు ప్రకటించారు.
కాగా, రిజర్వ్ బ్యాంక్ ఆఫ్ ఇండియా సెలవు జాబితాకు అనుగుణంగా ప్రైవేట్ రంగ బ్యాంకులు మాత్రం జనవరి 22ను పని దినంగా పేర్కొంటాయి. సెలవులు ప్రకటించడంతో పాటు, బీజేపీ నేతృత్వంలోని రాష్ట్రాలు అయోధ్యలో జరిగే గ్రాండ్ ఈవెంట్ను దృష్టిలో పెట్టుకుని మద్యం, మాంసం, చేపల అమ్మకాలపై నిషేధంతో సహా ఆంక్షలను కూడా అమలు చేశాయి. ఇదిలా ఉండగా, త్రిపురలో, రాష్ట్రవ్యాప్తంగా అన్ని కార్యాలయాలు, విద్యా సంస్థలు జనవరి 22 మధ్యాహ్నం 2:30 గంటల వరకు మూసివేయబడతాయి.
జనవరి 22న ప్రధానమంత్రి నరేంద్ర మోడీ సమక్షంలో పరిమిత సంఖ్యలో ఆహ్వానితులు, ఇతర నాయకులు, ప్రముఖులు, ప్రముఖ వ్యక్తులతో కలిసి రామమందిరాన్ని ప్రారంభించనున్నారు. అయోధ్యలో రామమందిరాన్ని నిర్మించడంలో కీలక పాత్ర పోషించిన కార్మికుల కుటుంబాలతో సహా దేశవ్యాప్తంగా వేలాది మంది స్వామిజీలకు వేడుకకు ఆహ్వానాలు అందాయి. జనవరి 16న ప్రారంభమైన వేడుకలతో ఆలయ పట్టణంలో సన్నాహాలు జోరందుకున్నాయి. రామమందిర ప్రతిష్ఠాపన వేడుకకు దారితీసే ఆచారాలలో భాగంగా గర్భగుడి లోపల రామ్ లల్లా విగ్రహాన్ని ఏర్పాటు చేయడం గమనార్హం. కాగా, శుక్రవారమే బాల రాముడి విగ్రహానికి సంబంధించిన ఫొటోను విడుదల చేశారు.
Click it and Unblock the Notifications
Sign in with Google