Political: చేపలకు వల, తుపాకితో కాల్పులు మోతతో ?, ఏం జరిగింది ?

బెంగళూరు/హాసన్: చేపలు పట్టేందుకు వెళ్లిన వారిపై గుర్తు తెలియని వ్యక్తులు కాల్పులు జరపడంతో ఒకరు అక్కడికక్కడే మృతి చెందాడు. మరో ఇద్దరు తీవ్రంగా గాయపడ్డటంతో ఆప్రాంతంలో ఉద్రిక్త పరిస్థితులు నెలకొన్నాయి. ఈ ఘటన కర్ణాటకలోని హాసన్ జిల్లాలోని సకలేష్‌పూర్ తాలూకాలోని యాసలూరు తాలుకాలోని తంబలగేరి గ్రామంలో జరిగింది.

తంబలగేరి గ్రామానికి చెందిన నవీన్ అనే వ్యక్తి అక్కడికక్కడే మృతి చెందాడు. దయానంద్, పద్మనాభం తుపాకీ తూటాలకు తీవ్రంగా గాయపడి హాసన్ జిల్లా ఆస్పత్రిలో చికిత్స పొందుతున్నారు. రాజాచారి అనే వ్యక్తి తప్పించుకని బయటపడ్డాడు. ఈ కేసుకు సంబంధించి ఇద్దరు వ్యక్తులను యాసలూరు పోలీసులు అదుపులోకి తీసుకుని విచారణ కొనసాగిస్తున్నారు.

తంబలగేరి గ్రామానికి చెందిన నవీన్, దయానంద, పద్మనాభం, రాజాచారి చేపలు పట్టేందుకు గ్రామ సమీపంలోని వాగులోకి వెళ్లారు. వాగు ఒడ్డున చేపలు పట్టేందుకు వల వేసి వేచి ఉన్నారు. ఈ సమయంలో ఒక్కసారిగా కాల్పులు జరిగాయి. నవీన్ అక్కడికక్కడే మృతి చెందాడు. దయానంద్, పద్మనాభం తీవ్రంగా గాయపడగా, అదృష్టవశాత్తూ రాజాచారి కాల్పుల నుంచి తప్పించుకున్నాడు.

కాల్పుల శబ్ధం విని గ్రామస్థులు సంఘటనా స్థలానికి చేరుకున్నారు.

ఈ ఘటనకు సంబంధించి పోలీసులు ఇప్పటికే ఇద్దరిని అదుపులోకి తీసుకుని విచారిస్తున్నారు. గతంలో ఇదే కేసులో అరెస్టయిన వారిలో ఒకరిపై కేసు నమోదైంది. రక్షణ కోసం ఉన్న తుపాకిని దుర్వినియోగం చేశారని పోలీసులు అంటున్నారు. హత్యకు గురైన బీజేపీ కార్యకర్త. రాష్ట్రీయ స్వయంసేవక్ సంఘ్‌లో కూడా నవీన్ మంచి గుర్తింపు పొందాడని స్థానికులు అంటున్నారు. అయితే ఈ ఘటనకు పార్టీకి, సంస్థకు ఎలాంటి సంబంధం లేదని జిల్లా పోలీసు సూపరింటెండెంట్ హరిరామ్ శంకర్ స్పష్టం చేశారు.

నవీన్ తరచూ తన స్నేహితులతో కలిసి చేపల వేటకు వెళ్లేవాడు. సాయంత్రం నలుగురు వ్యక్తులు చేపలు పట్టేందుకు వెళ్లగా ఈ దాడి జరిగిందని పోలీసులు అంటున్నారు.

English summary

Rivals with political parties who shot the young man in Karnataka.