భారత్ పవర్ అంటే ఇదే!: ముంబై పోర్టులో ల్యాండైన భారీ ట్యాంకర్
పశ్చిమాసియాలో ఉద్రిక్తతలు పరాకాష్టకు చేరిన తరుణంలో, భారత ఇంధన భద్రతకు సంబంధించి ఒక కీలక విజయం నమోదైంది. లిబేరియా జెండాతో ఉన్న 'షెన్లాంగ్' అనే సూయజ్మాక్స్ ట్యాంకర్, ఇరాన్ దాడుల భయంతో షిప్పింగ్ కంపెనీలు వణికిపోతున్న వేళ, వ్యూహాత్మక హార్ముజ్ జలసంధిని సురక్షితంగా దాటి మార్చి 12 (బుధవారం) మధ్యాహ్నం ముంబై పోర్టుకు చేరుకుంది. ఇరాన్-అమెరికా ఘర్షణల అనంతరం ఈ ప్రమాదకర మార్గం గుండా భారతదేశానికి వచ్చిన మొదటి నౌకగా ఇది రికార్డు సృష్టించింది.
సౌదీ అరేబియాలోని రాస్ తానూరా పోర్టు నుంచి మార్చి 3న ... 1,35,335 మెట్రిక్ టన్నుల ముడి చమురుతో బయలుదేరిన ఈ నౌక ప్రయాణం ఆరంభం నుండి ఉత్కంఠగా సాగింది. మార్చి 8న హార్ముజ్ జలసంధి సమీపంలోకి రాగానే, శత్రు దాడులకు లక్ష్యం కాకుండా ఉండేందుకు ఈ ట్యాంకర్ తన ఆటోమేటిక్ ఐడెంటిఫికేషన్ సిస్టమ్ (AIS) మరియు ట్రాన్స్పాండర్లను తాత్కాలికంగా నిలిపివేసింది. దీంతో రాడార్ల నుండి మాయమైన ఈ నౌక, అత్యంత సున్నితమైన ప్రాంతాన్ని దాటిన తర్వాత మార్చి 9న తిరిగి ట్రాకింగ్ వ్యవస్థలలో కనిపించింది. ఈ సాహసోపేతమైన ఆపరేషన్కు భారత నౌకాదళ కెప్టెన్ సుక్షాంత్ సింగ్ సంధూ నాయకత్వం వహించారు.
ఇరాన్ హెచ్చరికలు - పెరిగిన ఉద్రిక్తత
షెన్లాంగ్ నౌక ప్రయాణిస్తున్న సమయంలోనే, ఇరాన్ ఇస్లామిక్ రివల్యూషనరీ గార్డ్స్ కార్ప్స్ (IRGC) కీలక ప్రకటన చేసింది. తమ అనుమతి లేకుండా జలసంధిని దాటే నౌకలు దాడులకు గురవుతాయని హెచ్చరించింది. హెచ్చరికలను విస్మరించిన 'ఎక్స్ప్రెస్ రోమ్', 'మయూరీ నారీ' అనే రెండు నౌకలు బుధవారం ఇరాన్ దాడుల్లో చిక్కుకున్నట్లు సమాచారం. అమెరికా, ఇజ్రాయెల్ ప్రయోజనాలకు సేవ చేయని నౌకలకు మాత్రమే అనుమతి ఉంటుందని ఇరాన్ స్పష్టం చేసిన నేపథ్యంలో, షెన్లాంగ్ రాక ప్రాధాన్యత సంతరించుకుంది.
#WATCH | Liberia-flagged tanker ship 'Shenlong' enters Indian waters near Mumbai Port. It was captained by an Indian and was loaded with crude oil from the Saudi port Ras Tanura.
— ANI (@ANI) March 12, 2026
Latest visuals from Mumbai Port pic.twitter.com/4BWABAsZ88
భారత ఇంధన అవసరాలకు ఊరట
ముంబై పోర్టులోని జవహర్ ద్వీప్లో లంగరు వేసిన ఈ నౌకలోని చమురును దించే ప్రక్రియకు సుమారు 36 గంటల సమయం పట్టనుంది. ఈ ముడి చమురును మహుల్లోని రిఫైనరీలకు సరఫరా చేయనున్నారు. భారతదేశ చమురు దిగుమతులలో సగానికి పైగా ఈ హార్ముజ్ జలసంధి గుండానే జరుగుతుండటంతో, ఈ నౌక సురక్షితంగా చేరుకోవడం భారత ప్రభుత్వానికి పెద్ద ఊరటనిచ్చింది.
నావికుల భద్రతపై నిరంతర పర్యవేక్షణ
ప్రస్తుతం పర్షియన్ గల్ఫ్ ప్రాంతంలో 28 భారతీయ జెండా గల నౌకలు సంచరిస్తున్నాయి. వీటిలో మొత్తం 778 మంది భారతీయ నావికులు ఉన్నారు. వారి భద్రతను పర్యవేక్షించేందుకు భారత నౌకాయాన మంత్రిత్వ శాఖ ఫిబ్రవరి 28 నుండే 24 గంటల కంట్రోల్ రూమ్ను ఏర్పాటు చేసింది. భారత రాయబార కార్యాలయాలు, అంతర్జాతీయ సంస్థలతో సమన్వయం చేసుకుంటూ నావికులకు అవసరమైన రక్షణ కల్పిస్తున్నట్లు మంత్రిత్వ శాఖ వెల్లడించింది.
-
యుద్ధం వేళ మోదీ చాణక్యం.. కర్ర విరక్కుండా.. పాము చావకుండా..! -
పెరుగులో ఉప్పు లేదా చక్కెర - ఆరోగ్యానికి ఎవరికి ఏది మంచిది..!! -
దివ్యాంగుల ప్రతిభకు పట్టం: రూ. 5 లక్షలు గెలుచుకునే ఛాన్స్.. అప్లై చేసుకోండిలా! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
తెలంగాణలో కొత్త అసెంబ్లీ సీట్లు ఇవే, కలిసొచ్చేది ఆ పార్టీకే- అసలు లెక్క..!! -
భారీగా బీర్ల ధరలు పెంపు, ఏ బ్రాండ్ ఎంత.!! -
పద్మవ్యూహంలోకి ట్రంప్ ? ఇరాన్ లో భూతల దాడి నరకమేనా ? -
పెట్రోల్, డీజిల్ ధరలు తగ్గింపు - కేంద్రం అనూహ్య నిర్ణయం, వంట గ్యాస్ రేట్లూ ఇక..!! -
బంగారం ధరల్లో అనూహ్యం- భారీగా రీబౌండ్
Click it and Unblock the Notifications
Sign in with Google